Mingəçevir teatrının telefonlarını kəsdilər, işıqpulu borcu xirtdəkdəndir
Mingəçevir Dövlət Dram Teatrının telefonları uzun müddətdir işləmir.
Ölkə.az-ın əldə etdiyi məlumata görə, buna səbəb teatrın telefon qovşağına külli miqdarda borcunun olmasıdır. Bildirilir ki, bu vəziyyət iki aydan artıqdır ki, davam edir. Teatrın əməkdaşları harasa zəng etmək istəyəndə şəxsi mobil telefonlarından istifadə etməyə məcbur olurlar. İş o həddə çatıb ki, teatrın işçiləri bununla bağlı direktor Səxavət Məmmədova heç nə deyə bilmirlər. Daha doğrusu, işlərini itirməkdən qorxduqları üçün etiraz etmirlər. Digər bir məlumata görə, teatrın işığa görə də xeyli məbləğdə borcu var. İşıqpulu borcunun isə 1000-2000 arasında olduğu deyilir.
Məsələ ilə bağlı qarşı tərəfin də mövqeyini öyrənməyə çalışdıq. Ancaq teatrın nömrələrindən (024) 27 4 52 45, (024) 27 4 46 57) aldığımız cavab belə oldu: "Zəng etdiyiniz nömrə telefon xidməti borcuna görə bağlıdır".
İntiqam VALEHOĞLU
