Mingəçevir teatrında ilginc təyinat
Ölkə.az Mingəçevir Dövlət Dram Teatrı haqqında daha bir ilginc məlumat əldə edib.
Əldə etdiyimiz məlumata görə, direktor Səxavət Məmmədov bu teatr mövsümündə kitabxanaçı adı ilə iki nəfəri (adlarını bilsək də, hələlik yazmırıq-red.) işə götürüb.
Məsələnin maraqlı tərəfi ondan ibarətdir ki, bu teatrın nə kitabxanası, nə də kitabxanaçı ştatı yoxdur. Elə buna görə də hər iki xanım özlərinin xəbəri olmadan dram artisti ştatına işə götürülüb. Hazırda onların hərəsi 113 manat aylıq əməkhaqqı alır.
Ştatda dram artisti kimi göstərildikləri halda, onlar teatrın təsərrüfat anbarında otururlar. Belə ki, bir müddət əvvəl sözügedən anbar boşaldılaraq "kitabxanaçı"lara verilib. Yəni ştatda olan aktyor və aktrisalar qrim otağında, adı dram artisti kimi gedən xanımlar isə anbarda otururlar.
Mövzunu davam etdirəcəyik.
İntiqam VALEHOĞLU
