Aftandil İsrafilovdan maraqlı açıqlamalar: "Not bilmirəm..."

Məşhur qarmon ustadı, xalq artisti Aftandil İsrafilov “Mədəniyyət” kanalının “Görüş yeri” verilişində maraqlı açıqlamalar verib.

Ölkə.az-ın məlumatına görə, sənətkar sözügedən proqramda indiyədək çoxlarının bilmədiyi bir sirri açıb:

“Yalan deməyin adı yoxdur, mən not bilmirəm. O vaxt dörd rəqsimi apardım Bəstəkarlar İttifaqına. Rəhmətlik Tofiq Quliyev o rəqsləri rəsmi qeydiyyatdan keçirdi və sənədlərini mənə təqdim etdi”.

Sənətkar verilişin sonunda möhtəşəm canlı ifası ilə də diqqət çəkib.

Qeyd edək ki, “Görüş yeri”nin digər qonaqları tanınmış kamança ifaçısı, xalq artisti Şəfiqə Eyvazova, tarzən, xalq artisti Zamiq Əliyev və qanun ifaçısı, əməkdar artist Təranə Əliyeva olub.

İntiqam VALEHOĞLU
Ölkə.az