"O Səs Türkiyə"də Nəsiminin bu qəzəli qalibi müəyyən etdi
Türkiyənin "TV8" kanalında yayımlanan dünyaca məşhur "The Voice" layihəsinin Türkiyə versiyası olan "O səs Türkiyə"də dünən möhtəşəm final baş tutdu.
Ölkə.Az xəbər verir ki, finalda səs çoxluğu ilə rəqiblərinə qalib gələn Əmrə Sərtqaya (Emre Sertkaya) Nəsimin "Minnət eyləməm" qəzəlinin türkü versiyasını oxuyub. Tənqidçilər isə tamaşaçıların qalibi seçməsində bu mahnının əsas rol oynadığını bildiriblər.
Nəsiminin Türkiyədə çox məşhur olan və mahnı bəstələnən şeirini təqdim edirik:
Xar içində bitən qönçə gülə minnət eyləməm,
Ərəbi, farisi bilməm, dilə minnət eyləməm.
Sirat-i müstəqim üzrə izləyərəm Rahimi
İblisin təlim etdiyi yola minnət eyləməm.
Bir əcaib dərdə düşdüm, hər kəs gedər karına,
Bu gün buldum - bu gün yerim, Haq kərimdir yarına,
Zərrəcə tamahım yoxdur bu dünyanın varına
Ruzimi verən Xudadır, qula minnət eyləməm...
Ey Nəsimi, can Nəsimi ol qəni mehman ikən,
Yarın şəfaətlərim əhmədi-muxtar ikən,
Cümlənin ruzisin verən ol qəni səttar ikən
Yeryüzünün xəlifəsi hünkara minnət eyləməm.
