Prezidentin təqaüd verdiyi aşıq: \"Bunu heç vaxt deməmişəm, indi deyirəm\"

Azərbaycan Respublikası Prezidentinin fərdi təqaüdünə layiq görülən Aşıq Ulduz Sönməz (Quliyeva) təəssüratlarını Ölkə.az saytı ilə bölüşüb.

"Prezidentimə, xalqıma minnətdaram. Sağ olsun ki, sənəti və sənətkarları daim sevindirir. Onu hər zaman öz oğlum kimi istəmişəm. Heç vaxt heç yerdə deməmişəm. İlham Əliyev prezident seçilən gündən mənim evimdə böyük bir portreti asılıb".

Qeyd edək ki, Prezident İlham Əliyevin imzaladığı Sərəncamda deyilir ki, Azərbaycan aşıq sənətinin inkişafında xidmətlərinə görə Ulduz Əsgər qızı Quliyevaya Azərbaycan Respublikası Prezidentinin fərdi təqaüdü verilsin.

Nazirlər Kabinetinə bu sərəncamdan irəli gələn məsələləri həll etmək tapşırılıb.

İntiqam VALEHOĞLU
Ölkə.az