“Kaş Zəlimxan sağ olaydı, bunu görəydi…”
Prezident İlham Əliyev Aşıq Ulduz Quliyevaya fərdi təqaüdünün verilməsi ilə bağlı sərəncam imzalayıb.
Ölkə.Az xəbər verir ki, aşıq bununla bağlı sevincini aznews.az-la bölüşüb:
“Mükafat almağımla bağlı birinci özümə, ikincisi isə prezidentimə minnətdaram. Bayaqdan telefonum susmur, nə qədər zənglər edilir. Deyirəm ki, xəbərə bax ey, bir dəqiqədə dünyanın hər yerinə yayılır”.
Aşıq Ulduz Quliyeva Aşıqlar Birliyinin mərhum sədri Zəlimxan Yaqubun bu günü görmədiyinə təəssüfləndiyini vurğulayıb: “Kaş Zəlimxan müəllim sağ olaydı. Mənim bu ada layiq bilindiyimi görəydi. Heyif, aramızdan tez getdi”.
