"Rəhim Qazıyev babamı kabinetindən qovmuşdu"

Əməkdar artist Zaur Əmiraslanov qonağı olduğu "Bu sabah" verilişində maraqlı açıqlamalar verib.

Ölkə.az-ın məlumatına görə, sənətçi keçmiş müdafiə naziri Rəhim Qazıyevin bir zamanlar babasına qarşı etdikləri barədə danışıb:

"Babam Qaybalı Paşayev bir neçə müharibədə iştirak edib, müxtəlif vəzifələrdə çalışıb. 90-cı illərdə Qarabağ döyüşlərində də iştirak edib. Ağdərə döyüşlərində babamın 75 yaşı vardı. Bir döyüş planı hazırlayıb müdafiə naziri Rəhim Qazıyevə təqdim etmək istəyirmiş. Çünki babam o yerlərin relyefini, iqlimini əla bilirdi. Amma Rəhim Qazıyev onu kabinetindən qovmuşdu".

Qeyd edək ki, "Dünya" televiziyasında yayımlanan verilişin aparıcısı Nuranə Axundovadır.

İntiqam VALEHOĞLU
Ölkə.az