\"Azdrama\" \"Teleskop\"la Türkiyədə

Akademik Milli Dram Teatrı səfərə hazırlaşır.

Ölkə.az-ın məlumatına görə, kollektiv Türkiyənin Bursa şəhərində Nilufər Bələdiyyəsinin keçirdiyi beynəlxalq teatr festivalında iştirak etmək üçün sabah qardaş ölkəyə yola düşür.

Xatırladaq ki, sözügedən festival 2008-ci ildən keçirilir. "Azdrama" festivala Elçinin "Teleskop" əsəri ilə qatılacaq. Xatırladaq ki, rejissoru Kamran Şahmərdan olan tamaşada əsas rolları xalq artistləri Rafiq Əzimov, Hacı İsmayılov, əməkdar artistlər Fizuli Hüseynov, Hicran Nəsirova, Kazım Abdullayev oynayırlar.
Kollektiv aprelin 23-də Bakıya qayıdacaq.

İntiqam VALEHOĞLU
Ölkə.az