Bakı Uşaq Teatrından nümunəvi addım
Bakı Uşaq Teatrı hər ayın bir gününü milli geyim günü kimi qeyd etmək qərarına gəlib.
Ölkə.az xəbər verir ki, “Canlı abidələr” adlı yeni layihə çərçivəsində kollektiv üzvləri ayda bir gün - xüsusilə əlamətdar günlərdə milli geyimlərimizdə paytaxtın müxtəlif yerlərini, tarixi və mədəni abilələri ziyarət etməyi qərarlaşdırıblar. Məqsəd mədəni irsimizin bir parçası olan milli geyimlərimizi təbliğ etmək və yaşatmaqdır.
Layihə çərçivəsində ilk tədbir aprel 18-də ( saat 14:00 - 16:00 ) keçiriləcək. Qeyd edək ki, 18 aprel həm də Beynəlxalq Abidələr və Tarixi Yerlər günü kimi qeyd olunur.
Bakı Uşaq Teatrının əsasən gənclərdən ibarət olan yaradıcı heyəti həmin gün Dənizkənarı Bulvar və İçərişəhər ərazisində yürüş edərək, şəhər əhalisi ilə ünsiyyətdə olaraq milli geyimlərimizi nümayiş etdirmək niyyətindədir. Aksiyaya qoşulmaq üçün bu nömrələrlə əlaqə saxlamaq olar
(012) 409 04 15, (055) 327 32 35
