Kinematoqrafçılar İttifaqı ssenari müsabiqəsi elan etdi
Kinematoqrafçılar İttifaqı qısametrajli ssenari müsabiqəsi elan edib
Azərbaycan Respublikası Kinematoqrafçılar İttifaqı gənc və istedadlı ssenaristləri aşkara çıxarmaq məqsədilə “Yeni nəfəs-II” qısametrajlı ssenari müsabiqəsi elan edib.
İttifaqdan APA-ya verilən məlumata görə, yaşı 35-dək olan gənclər 20 səhifədən çox olmamaq şərti ilə istənilən janrda - bədii, sənədli və animasiya ssenarilərini tərcümeyi-hal ilə birgə, üç nüsxədə çap və elektron variantda 31 iyul 2016-cı il tarixinədək müsabiqəyə təqdim edə bilər.
Qaydaya əsasən Qran Pri 3000 manat, birinci yer 2000 manat, ikinci yer 1500 manat, üçüncü yer 1000 manat məbləğində mükafatlandırılacaq. Qran Pri ssenarinin ekranlaşdırılması nəzərdə tutulub.
Müsabiqənin nəticələri sentyabr ayında açıqlanacaq.
