\"Bizim Cəbiş müəllim\"in \"Makedon\"undan Ölkə.Az-a maraqlı

""Bizim Cəbiş müəllim" filminin çox gözəl heyəti var idi. İndi o aktyorların bir çoxu dünyasını dəyişib. Allah hamısına rəhmət eləsin. Çətin ki bir daha elə film çəkilsin".

Bu fikirləri Ölkə.Az-a açıqlamasında ""Bizim Cəbiş müəllim" filminin "Makedon"u, tanınmış aktyor Aqil Ağacanov səsləndirib. A.Ağacanov bildirib ki, bundan sonra heç bir filmə çəkilmək niyyətində deyil:

"İndi mən şəhərə çıxmıram, bütün gün Pirşağıdayam. Özüm üçün oturmuşam. İkinci dərəcəli şef aşpazam, gül kimi sənətim var. Neyniyirəm gedim kiməsə, nəyəsə görə ora çıxım? İki filmə çəkilmişəm, bəsimdir".

Xatırladaq ki, Aqil Ağacanovun Azərbaycan kinosunda oynadığı digər rol "Yuxu" filmində (polis işçisi) olub.

İntiqam VALEHOĞLU
Ölkə.Az