Müşviqlə bir filmdə oynaya bilərsiz

 

Aktyor filmdə çəkilmək istəyənlər üçün kastinqin şərtlərini də açıqlayıb:

 

"Artıq ssenarimiz tamamilə hazırdır. Çəkilişlərimiz yaxın zamanda start götürəcək. İlk öncə isə kastinq etmək istəyirik. May ayının 20-si saat 12:00-da "Lake Palace"də kastinqimiz baş tutacaq. Kastinq 12:00-dan 18:00-a qədər davam edəcək. Filmdə baş rollarda mən və İlkin Misgərli olacaq, həmçinin bir xanım da. Bir neçə aktrisa ilə danışıqlar gedir hal-hazırda, amma bu o demək deyil ki, kastinqə bu kriteriyalara uyğun gələn xanımları seçməyəcəyik. Onlara da şanslar veriləcək. Bundan əlavə baba, uşaq, ortayaşlı kişilər və s. obrazlara üstünlük veriləcək. Yəni, bizim istiqamətimiz bu yöndə olacaq. Əvvəlcədən hər kəsdən artıq dərəcədə xahiş edirik ki, özünə və istedadına güvənən insanlar gəlib iştirak etsinlər. Vaxt keçirtmək üçün kimsə gəlməsin".

 

Filmin rejissoru Elmir Süleymanov da öz növbəsində bu filmdən çox şey gözlədiyini bildirib:

 

"Bu film çox yadda qalacaq. Romantik komedi tərzdə olacaq. Bu film tam səviyyəli, ailə filmi kimi tamaşaçılara təqdim olunacaq. Müşviqin digər iki filmindən sonra rejissorlar dəyişib və yenisiylə əvəzlənib. Bu, məndə narahatçılıq yaratmır. Mənim üçün əsas işimdir və mən öz işimi layiqincə yerinə yetirəcəyimdən əminəm. İnanıram ki, noyabrda bu filmlə partlayış edəcəyik. Və Müşviqi seçimində yanıltmayacam. Film komanda işidir. Mənimlə yanaşı, komanda da yaxşı işləməlidir. Kastinqə gəldikdə isə Müşviqin sözünə qüvvət bizə bu işə marağı olanlar, özündə istedadı hiss edən insanlar lazımdır və biz onları tapıb seçəcəyik. Sadəcə əlavə vaxt keçirmək və başqa məqsədlərlə gəlmək istəyən şəxslər indidən özlərini yorub gəlməsinlər. Biz onsuz da onları qəbul etməyəcəyik. Hər kəsə uğurlar arzu edirik".

 

Qeyd edək ki, "Gizlənpaç" filminin informasiya dəstəyi Ölkə.Az saytıdır.