Xanım bəstəkar: \"Özümü onda tapmışam\"

Bəstəkar Sevinc Ağasıyeva yaradıcılıq planlarından danışıb.

Ağasıyeva Ölkə.Az-a açıqlamasında bildirib ki, son zamanlar yalnız instrumental musiqilər yazır:

"İnstrumental janr vasitəsilə ruhumdan keçirdiklərimi bütünlüklə ifadə edə bilirəm. Amma mahnıda bu belə olmur. Bu saat bəstələdiyim instrumental musiqilərə daha çox ehtiyac duyduqlarını yazırlar, deyirlər. Bu da təbii ki, məni ruhlandırır. Bəziləri instrumental musiqi bəstələməyin lazımsız olduğunu düşünürlər, mahnı yazmağımı istəyirlər. Ancaq özüm nə istədiyimi daha yaxşı bilirəm. Məqsədim kino sənayesinə daxil olmaqdır və artıq təkliflər də var. Qarşıda yeni işlərim, layihələrim olacaq. Eyni zamanda bir prodakşndan əməkdaşlıq təklifi almışam, danışıqlar gedir".

Xanım bəstəkar bildirib ki, bəstələdiyi mahnıları sənətçilərə təklif etmir:

"Mahnını heç kimə təklif etmirəm. Sənətçilərlə işləmişəm. Çox istedadlı bir müğənniylə iş birliyimizin olması da mümkündür. Bu, birgə layihə olacaq. Fikrim və ruhum instrumental musiqidədir. Çünki özümü onda-instrumental musiqidə tapmışam".

Xatırladaq ki, S.Ağasıyeva şair Məmməd Ağasıyevin qızı, müğənni Cavid Hüseynin keçmiş həyat yoldaşıdır.

İntiqam VALEHOĞLU
Ölkə.Az