Yaşar Nuri - 65
Bu gün Azərbaycanın əfsanəvi teatr və kino aktyoru Yaşar Nurinin doğum günüdür. 1951-ci ilin bu günündə Bakıda aktyor Məmmədsadıq Nuriyevin ailəsində anadan olan sənətkar, səhnəyə ilk dəfə on bir yaşında Musiqili Komediya Teatrında "Toy kimindir?" tamaşasında Tapdıq roluyla çıxıb, həmçinin məktəbli vaxtlarında dövlət televiziyasının "Yelkən" verilişinin aparıcılarından olub.
Tələbəlik illərindən istedadıyla fərqlənən Y.Nuri 1972-ci ildə institutu bitirdikdən sonra 1 il orduda xidmət edib və institutun tədris teatrında aktyor işləyib. 1974-cü il dekabr ayının 1-də Akademik Milli Dram Teatrının baş rejissoru Tofiq Kazımovun dəvətilə bu kollektivin aktyor truppasına qəbul olunub.
1975-ci il noyabr ayının 28-də Rəhimə xanımla ailə həyatı qurub. Onların iki qız övladı var: Ülviyyə və Ülkər.
Xalq artisti. dövlət mükafatı laureatı olan sənətkar 50 illik sənət ömrü ərzində yüzlərlə obrazlar canlandırıb.
2012-ci ilin 22 noyabrında uzun sürən xəsətlikdən sonra vəfat edib.
