“Sözdən asılan arzular. XX əsr Güney Azərbaycan şairlərinin poemalarından seçmələr” kitabının təqdimatı

“Mirzə İbrahimov adına Kitab Fondu” İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Güney Azərbaycan epik şeiri (XX əsr)” və “Urmu hadisələrinin bədii ədəbiyyatda təcəssümü” adlı layihə çərçivəsində 09.09.2016-cı il tarixində Göyçay rayon Mərkəzi Kitabxana Sistemində “Sözdən asılan arzular. XX əsr Güney Azərbaycan şairlərinin poemalarından seçmələr” adlı kitabın təqdimat mərasimi keçirilmişdir.

Kitabda Güney Azərbaycanda yaşayan bir çox şairlərin poemalarından seçmələr toplanılmışdır. Tədbirdə rayon ictimaiyəti, ziyalılar, rayon icra hakimiyyəti əməkdaşları və kitabsevərlər iştirak etdilər. İlkin olaraq tədbiri giriş sözü ilə açan Rövşən Balayeva tədbir bardə ümumi məlumat verdi. Daha sonra çıxış üçün sözü layihənin eksperti Gülnar Nəzərovaya verdi. O, layihənin məqsədi, layihə çərçivəsində çap olunmuş kitabda cəmlənən əsərlər barədə məlumat verdi. Tədbirdə iştirak edən rayon ziyalıları bu cür kitabın kitabın işıq üzü görməsinin Azərbaycan ədəbiyyatı üçün böyük töhfə olduğunu qeyd etdilər.

Çıxış edən Göyçay rayon 7 saylı orta məktəbin direktoru Adil Məmmədov Cənubda illər boyu azərbaycanlı yazarların sıxışdırıldığı, onların fəaliyyətinə qoyulan qadağalar, bir çox yazarlarımızın farslaşdırılması halları barədə məlumat verdi. O bidirdi ki, öz əsərlərini sərbəst şəkildə çap etdirə bilməyən bu yazarların əsərlərini bir araya gətirib oxuculara təqdim etmək təqdirəlayiq haldır. Daha sonra Göyçay rayonunda fəaliyyət göstərən yazarlar kitab barədə öz fikirlərini bildirdilər. Bu cür fəaliyyətin davamlılığının vacibliyi vurğulandı.

Tədbirin sonunda həm tədbir iştirakçılarına, həm də Göyçay rayon Mərkəzi Kitabxana Sisteminə müəllifin imzalı kitabı təqdim olundu.