ANS-də hamı bir nəfər kimi prezidentə inanır
"Hüquqi və demokratik ölkədə yaşayırıq"
Bu sözləri ANS Şirkətlər Qrupunun mətbuat sözcüsü Mais Məmmədov Ölkə.Az saytına açıqlamasında bildirib. O həmçinin qeyd edib ki, bu gün bir sıra saytlarda ANS-lə bağlı yayılan xəbərlər təəssüf hissi yaradır və heç bir əsası yoxdur:
"ANS yazıldığı kimi hansısa başqa prodakşın və ya studiya ilə iş görmür. ANS rəhbərliyi bu gündə inanır ki, telekanal fəaliyyətini bərpa edəcək və tamaşaçılarımız bizi məhz ANS-dən izləyəcək. Çünki hüquqi və demokratik ölkədə yaşayırıq. Buna görə dövlətimiz ANS-çiləri və tamaşaçılarını sevindirəcək.
ANS-də hamı bir nəfər kimi prezidentə inanır və hamı da arxayınlıq var ki, dövlət başçısı öz sözünü deyəcək, milyonlarla tamaşaçını sevindirəcək".
