Əbülfəs Qarayev: Yaponiya Azərbaycan üçün hədəf bazarlardandır
“Yaponiya Azərbaycan üçün mühüm hədəf bazarlarından biridir”.
Ölkə.Az-a nazirlikdən verilən məlumata görə, bu sözləri Mədəniyyət və turizm naziri Əbülfəs Qarayev Yaponiya turizm sənayesinin nümayəndələri ilə görüşdə bildirib.
Öz növbəsində, Yaponiya Turizm Agentlikləri və Assosiasiyasının prezidenti Tadaşi Şimura gələcəkdə daha sıx əməkdaşlıq əlaqələrinin qurulmasında maraqlı olduqlarını deyib.
Qeyd edək ki, Yaponiya Turizm Agentlikləri və Assosiasiyasının prezidenti Tadaşi Şimuranın rəhbərlik etdiyi nümayəndə heyətinin tərkibinə Yaponiyanın “Hankyu Travel İnternational Tokyo”, “Diamond-Big”, “Hankyu Travel İnternational Osaka”, “R&C Tours”, “Spectacle Adventures”, “The Three B”, “JTB BWT” şirkətlərinin nümayəndələri daxildir.
Səfərin təşkil olunmasında əsas məqsəd Yaponiyada Azərbaycanın turizm imkanlarının geniş tanıdılması və təbliğidir. Nümayəndə heyətinin paytaxt Bakı ilə yanaşı, Şəki, İsmayıllı və Qəbələ rayonu ilə tanışlığı planlaşdırılır.
