\"Qaraca çoban\"ın müasir oxşarı

Mərhum aktyor və rəssam Elçin Məmmədovun oxşarı tapılıb

Ölkə.Az-ın məlumatına görə, bu, onun gənc həmkarı Elsevər Mehdizadədir. Mehdizadə özü isə bu oxşarlığa belə reaksiya verib:

"Bir o qədər fərqinə varmamışdım. Amma çox adam deyir ki, rəhmətlik Elçin Məmmədov ilə oxşarlığımız var. Allah rəhmət eləsin. Elçin Məmmədov "Yeddi oğul istərəm" filmində Mirpaşa obrazını canlandırıb. Təbii ki, ona bənzəmək, yaxud bənzədilmək çox xoşdur".

Qeyd edək ki, Elçin Məmmədov 1946-cı ildə mərhum sənətkarlar Barat Şəkinskaya və Mehdi Məmmədovun ailəsində dünyaya gəlib.

2001-ci il fevralın 18-də 55 yaşında dünyasını dəyişən aktyorun ən yaddaqalan rollarından biri də "Dədə Qorqud" filmindəki Qaraca Çoban olub.

İntiqam VALEHOĞLU
Ölkə.Az