Bakı Uşaq Teatrında \"Həyatla oyun\"

Bakı Uşaq Teatrında yeni tamaşa hazırlanıb.

Ölkə.Az-ın məlumatına görə, "Həyatla oyun" adlanan tamaşanın əsas məqsədi bütün insanları bəşəriyyətin ən böyük problemlərindən biri olan narkomaniya, QİÇS-ə qarşı mübarizəyə çağırmaq və yeni metodlar vasitəsilə məlumatlandırmaqdır. Maarifləndirmə funksiyasını yerinə yetirən tamaşa gənclərdə narkomaniyanın doğurduğu faciələr, QİÇS və bir sıra başqa qorxunc xəstəliklərin yayılması yolları haqqında aydın təsəvvür yaradır. Tamaşanın nümayişi gənclərin sağlam həyat tərzi seçmələri üçün cox təsirli təbliğat vasitəsidir. Arzu Soltanın qələmə aldığı İntiqam Soltanın quruluş verdiyi "Həyatla oyun" tamaşasında hadisələr real həyatdan götürülüb. Bir saat 15 dəqiqəlik tamaşa yeniyetmələr və böyüklər üçün nəzərdə tutulub. Müddəti 1 saat 15 dəqiqədir.

Qeyd edək ki, Gənclər və İdman Nazirliyinin təşəbbüsü və dəstəyi ilə oktyabrın 24-28-i aralığında Bakı Uşaq Teatrının kollektivi Kürdəmir, Samux, Göygöl, Goranboy, Naftalan, Zərdab, Göyçay rayonlarında qastrolda olub.