Ceyhun Mirzəyevə \"Fəryad\" filmində sui-qəsd belə hazırlanıbmış

"Lider" televiziyasında yayımlanan "Kino evi" verilişində mərhum aktyor-rejissor Ceyhun Mirzəyev haqda maraqlı faktlar açıqlanıb.

Proqramın qonağı olan əməkdar incəsənət xadimi, kino tədqiqatçısı Aydın Kazımzadə "Fəryad" filminin çəkilişləri zamana Ceyhun Mirzəyevə hazırlanan sui-qəsddən danışıb:

"Ceyhun rolda bərk əsəbləşir və ermənilər tərəfə qaçır. Güllələnməyi, ölməyi gözünün önünə gətirmir. Ceyhun qaçır, operator Kənan Məmmədov da yük maşınının üstündə bununla paralel çəkiliş aparır. Kənan deyir ki, Ceyhun cüssəsinə baxmayaraq, sürətlə qaçırdı. Qaçdı, qaçdı qəfil əllərini qabağa aparıb dayandı. Maşını saxladıq ki, nə oldu? Dedi, bura gəlin, baxın. Sən demə, kimsə ağacdan ağaca nazik polad məftili bağlayıb. Özü də insan boyunda. Əgər o anda Ceyhun məftili görməsəydi, çəkiliş meydançasında həlak olacaqdı. Əlləri qan içindəydi".

Xatırladaq ki, hər şənbə yayımlanan layihənin informasiya dəstəkçisi Ölkə.Az saytıdır.

İntiqam VALEHOĞLU
Ölkə.Az