Orxan Kamalın əsərlərinin nəşr hüququ Azərbaycan Tərcümə Mərkəzinə veriləcək

Azərbaycan Respublikasının Nazirlər Kabineti yanında Tərcümə Mərkəzinin mətbuat və nəşr məsələləri üzrə müşaviri Fərid Hüseyn Türkiyənin böyük yazıçısı Orxan Kamalın oğlu İşıq Öğütçü ilə görüşüb.

Mərkəzdən bildirilib ki, görüşdə İşıq Öğütçü atasının bəzi əsərlərinin nəşr hüququnun Azərbaycan Tərcümə Mərkəzinə verilməsi üçün lazım olan köməyi əsirgəməyəcəyini bildirib. Qeyd edib ki, Azərbaycanda belə bir mərkəzin yaradılması təqdirəlayiq haldır.

İşıq Öğütçü deyib: “Nə yaxşı ki, dünyada tərcümə işi ilə məşğul olan belə ciddi təşkilatlar mövcuddur. Məsələn, mən bu yaxında Çində oldum, orada atamın 4 kitabını tərcümə və çap ediblər. Çox istərdim ki, dünyanın bütün aparıcı dillərinə çevrilən Orxan Kamalın əsərlərinə qardaş ölkə Azərbaycanda xüsusi diqqət ayrılsın. İnanıram ki, Azərbaycan Tərcümə Mərkəzi bu işin öhdəsindən peşəkarlıqla gələcək”./Azərtac/

Ölkə.Az