Azərbaycanda Türkiyə Respublikasının mədəniyyət günləri keçiriləcək

Noyabrın 22-dən 27-dək Azərbaycanda Türkiyə Respublikasının mədəniyyət günləri keçiriləcəkdir.

İlk dəfə olaraq keçiriləcək mədəniyyət günləri ilə əlaqədar Türkiyənin mədəniyyət və turizm naziri Ömər Çeliyin rəhbərliyi altında qardaş ölkənin tanınmış incəsənət ustaları Azərbaycana səfər edəcəklər.

Ölkə.Az-ın məlumatına görə, Mədəniyyət və Turizm Nazirliyindən azərtac-a bildirilib ki, mədəniyyət günlərinin rəsmi açılışı noyabrın 23-də Heydər Əliyev Mərkəzində keçiriləcək.

Mədəniyyət günləri çərçivəsində qardaş ölkənin sənətçilərinin ifasında konsert proqramları, rəsm və foto sərgiləri, film və teatr tamaşaları nümayiş olunacaq.

Ölkə.Az