KORONAVİRUSA YOLUXANLARIN SAYI - CANLI STATİSTİKA

10 yaşlı azərbaycanlı ABŞ-da prezident mükafatı aldı — FOTOLAR

10 yaşlı azərbaycanlı ABŞ-da prezident mükafatı aldı
14:06
01.08.2020
2254
Ölkə
A
ABŞ-da 10 yaşlı azərbaycanlı Maqsud Süleymanlı təhsildə xüsusi müvəffəqiyyətlərinə görə bu ölkənin Prezidentinin mükafatını alıb.

"Ölkə.Az" AZƏRTAC-a istinadən xəbər verir ki, Maqsudun anası Nigar Pənahova oğlunun hələ Bakıda olarkən məktəbə getməyə başladığını deyib.

Ailəsi ABŞ-a köçəndən sonra Maqsud qısa müddətdə ingilis dilini öyrənib və tezliklə öz məktəbinin ən yaxşı şagirdləri sırasına daxil olub.

Təhsildə xüsusi müvəffəqiyyətlərə görə Prezident Mükafatı əsası 1983-cü ildə qoyulmuş proqram çərçivəsində ABŞ Prezidentinin və təhsil nazirinin adından təqdim edilir. ABŞ-da ibtidai, orta və yuxarı siniflərin təhsildə nailiyyətləri ilə fərqlənmiş şagirdləri bu mükafatı ABŞ Orta Məktəb Direktorlarının Milli Assosiasiyası tərəfindən nəzərdə tutulmuş meyarlar əsasında alırlar.

Maqsudun valideynləri Hikmət Süleymanlı və Nigar Pənahova daimi yaşayış yerinin seçiminə xüsusi diqqətlə yanaşıblar, çünki uşağın hansı dövlət məktəbinə getməsi məhz ailənin yaşayış yerindən asılıdır. Buna görə də, uşaqların yüksək keyfiyyətli təhsil almaları üçün onlar Orta Qərbin ən yaxşı məktəblərinin yerləşdiyi Sent Luis dairəsindəki Kleyton şəhərində məskunlaşdılar. Nigar xanımın sözlərinə görə, məhz burada Maqsud təhsildə böyük uğurlar qazanıb və gələcək nailiyyətləri üçün təməl yaradıb. Yaxın vaxtlarda Suleymanlılar ailəsi Pensilvaniyaya köçüb. Maqsud da Prezident mükafatını Pensilvaniyada, Herbert Quver adına ibtidai məktəbin dördüncü sinfində oxuyarkən alıb.

Ancaq Maqsud təkcə öz biliklərinin səviyyəsi və təhsildə qazandığı nailiyyətlərlə fərqlənmir. Valideynləri kimi, o da vətənpərvərdir. Maqsud və bacısı Tansu müntəzəm olaraq məktəbdə və məktəb hüdudlarından kənarda keçirilən beynəlxalq və mədəniyyətlərarası festivallarda iştirak edir, orada yaşıdlarına öz ölkəsi Azərbaycanın mədəniyyəti, onun tarixi və milli mətbəxi haqqında danışırlar.

Maqsud futbol oynamağı sevir, şahmatla məşğul olur və proqramlaşdırma ilə maraqlanır. O Bakıda yaşayarkən Vüqar Həşimov adına Şahmat Akademiyasında məşğul olurdu, ABŞ-da isə artıq bir neçə mükafat qazanıb. Maqsud gələcəkdə kosmonavt olmağı arzu edir.

ŞƏRH YAZ
0

ÜST-dən bədbin proqnoz: “Koronavirusa qarşı peyvənd...”

ÜST-dən bədbin proqnoz: “Koronavirusa qarşı peyvənd...”
12:51
Bu gün
94
Ölkə
A
Ümumdünya Səhiyyə Təşkilatının (ÜST) Prezidenti Tedros Adhanom Qebreyesus koronavirusun yayılmasına tamamilə son qoyacaq "sehirli silah”ın heç zaman olmayacağını və "normallaşmağa” gedən yolun uzun olacağını deyib.

"HaberGlobal” məlumat verir ki, Qebreyesus və ÜST-ün Təcili Yardım bölməsinin rəhbəri Mayk Rayan birgə mətbuat konfransında bütün ölkələri "maska taxmağa, sosial məsafəni qorumağa, əl yumağa və test sayını artırmağa” çağırıblar.

ÜST rəhbəri insanlara və hökumətlərə səslənərək, yoluxmanın qarşısını almaq üçün lazım olan hər şeyi etmələrini istəyib.

Bəzi peyvəndlərin klinik sınağın üçüncü mərhələsində olduğunu vurğulayan Qebreyesus qeyd edib ki, hamımızı infeksiyadan qoruya biləcək vaksinlər hazırlanır, ancaq bu, qəti həll yolu olmaya bilər.
 

ŞƏRH YAZ
0

Fəttah Heydərovun dəfnində yüksək çinli məmurlar iştirak etdi — FOTOLAR

Fəttah Heydərovun dəfnində yüksək çinli məmurlar iştirak etdi
12:43
Bu gün
311
Ölkə
A
Bu gün səhər saatlarında dünyasını dəyişən Azərbaycan Ağsaqqallar Şurasının sədri, deputat Fəttah Heydərov 1-ci Fəxri xiyabanda dəfn olunub.

"Ölkə.Az" unikal.org-a istinadla xəbər verir ki, dəfndə mərhumun ailə üzvləri, eləcə də Təhlükəsizlik Şurasının katibi Ramil Usubov, Müdafiə və Sənaye naziri Mədət Quliyev və Bakı Şəhər İcra Hakimiyyətinin başçısı Eldar Əzizov iştirak edib.

Qeyd edək ki, 82 yaşında vəfat edən  F.Heydərov Fövqəladə Hallar naziri, general-polkovnik Kəmaləddin Heydərovun atasıdır.

ŞƏRH YAZ
0
BAĞLA