KORONAVİRUSA YOLUXANLARIN SAYI - CANLI STATİSTİKA

ABŞ hərbi gəmisi Qara dənizdə təhlükəsizlik əməliyyatında iştirak edəcək

ABŞ hərbi gəmisi Qara dənizdə təhlükəsizlik əməliyyatında iştirak edəcək
04:00
16.09.2020
375
Siyasət
A
ABŞ Hərbi Dəniz Qüvvələrinə məxsus "USS Roosevelt" aviasiya daşıyıcı gəmisi bu gün Qara dənizə yola düşüb.

"Ölkə.Az" APA-ya istinadən xəbər verir ki, bu barədə ABŞ-ın 6-cı Dəniz Donanmasının mətbuat xidməti məlumat yayıb.

Məlumata görə, hərbi gəmi sentyabrın 15-də NATO tərəfdaşları və müttəfiqləri ilə birgə təhülkəsizlik əməliyyatlarında iştirak məqsədi ilə Qara dəniz istiqamətində hərəkətə keçib. Qeyd olunub ki, hərbi gəminin həyata keçirəcəyi əməliyyatlar NATO müttəfiqləri və tərəfdaşları arasında qarşılıqlı əməliyyat qabiliyyətini gücləndirəcək və Qara dənizdə təhlükəsizlik sahəsində kollektiv qətiyyət nümayiş etdirəcək.

Qeyd edək ki, bu, 2020-ci ilin əvvəlindən bəri  ABŞ-a məxsus hərbi gəminin Qara dənizə sayca 6-cı səfəri olacaq. Sonuncu dəfə "USS Porter" hərbi gəmisi "Sea Breeze 2020" təlimlərində iştirak məqsədi ilə Qara dənizə daxil olub və Gürcüstanın Batumi limanına yan alıb.

ŞƏRH YAZ
0

Mikayıl Cabbarov Almaniyanın Azərbaycandakı səfiri ilə görüşdü — FOTO

Mikayıl Cabbarov Almaniyanın Azərbaycandakı səfiri ilə görüşdü
11:41
Bu gün
133
Siyasət
A
İqtisadiyyat naziri Mikayıl Cabbarov Almaniya Federativ Respublikasının Azərbaycandakı səfiri Volfqanq Maniq ilə görüşüb.

Iqtisadiyyat Nazirliyindən verilən məlumata görə, Mikayıl Cabbarov Azərbaycanın Avropa İttifaqı ölkələri, xüsusilə Almaniya ilə əməkdaşlığın inkişafına böyük önəm verdiyini vurğulayıb. Qeyd edilib ki, Ticarət və İnvestisiyalar üzrə Almaniya-Azərbaycan Yüksək Səviyyəli İşçi Qrupunun, Alman-Azərbaycan Xarici Ticarət Palatasının səmərəli fəaliyyəti əlaqələrin inkişafında əhəmiyyətli yer tutur və bu ilin sonunda İşçi Qrupunun növbəti iclasının keçirilməsi əməkdaşlığın genişləndirilməsinə töhfə verə bilər.

Bildirilib ki, bu günlərdə Azərbaycan Respublikası Prezidentinin iştirakı ilə Sumqayıt Kimya Sənaye Parkında Almaniya təcrübəsindən istifadə etməklə yaradılan Peşə Təhsil Mərkəzi açılıb və bu sahədə əməkdaşlığın davam etdirilməsi önəmlidir. Alman şirkətləri Azərbaycanın əlverişli investisiya və biznes mühitindən, nəqliyyat-tranzit imkanlarından yararlana bilərlər.

Görüşdə İqtisadiyyat naziri pandemiya dövründə görülən tədbirlər, hazırkı iqtisadi vəziyyət, aparılan islahatlar barədə məlumat verib, Azərbaycan İnvestisiya Holdinqinin və İqtisadi Şurasının yaradıldığını bildirib, postpandemiya dövrü üçün iqtisadi inkişaf istiqamətlərini diqqətə çatdırıb.

Almaniya Federativ Respublikasının Azərbaycandakı səfiri Volfqanq Maniq ölkəsinin Azərbaycanla əlaqələrin inkişafında maraqlı olduğunu vurğulayıb, əməkdaşlıq perspektivləri barədə fikirlərini bölüşüb.

İqtisadi əməkdaşlığın genişləndirilməsi istiqamətlərinin müzakirə olunduğu görüşdə Azərbaycan və Almaniya şirkətləri arasında əlaqələrin inkişafı, menecerlərin Almaniyada ixtisasartırma kurslarında iştirakının davam etdirilməsi, Almaniyanın Kiçik və Orta Sahibkarlıq Federal Assosiasiyası ilə Kiçik və Orta Biznesin İnkişafı Agentliyi arasında əməkdaşlıq və sair məsələlər barədə fikir mübadiləsi aparılıb.

 

ŞƏRH YAZ
0

DTX-dən Rusiya saytının yaydığı siyahı ilə bağlı — AÇIQLAMA

DTX-dən Rusiya saytının yaydığı siyahı ilə bağlı
11:29
Bu gün
370
Siyasət
A
Azərbaycan Respublikası Dövlət Təhlükəsizliyi Xidməti (DTX) açıqlama yayıb.

"Ölkə.Az"ın xəbərinə görə, DTX-nin rəsmi saytında yer alan açıqlamada deyilir:

"Son günlərdə bəzi internet saytlarında və sosial şəbəkələrdə Rusiyaya xidmət etmələri iddia edilən Azərbaycan Respublikasının vətəndaşları olan bəzi ictimai-siyasi xadimlərin, ali məktəb müəllimləri və tələbələrinin, informasiya agentlikləri və portalları əməkdaşlarının və digər şəxslərin siyahısı yayılmışdır. Həmin siyahıya və qeyd olunan fikirlərə aydınlıq gətirilməsi üçün Dövlət Təhlükəsizliyi Xidmətinə ölkənin tanınmış siyasi xadimlərinin və ayrı-ayrı ziyalılarının çoxsaylı müraciətləri daxil olub.

Azərbaycan ərazilərinin işğalının davam etdiyi və düşmən tərəfindən cəbhədə təxribatların intensivləşdiyi indiki həssas məqamda vətəndaşlarımızın narahatlıqlarını nəzərə alaraq, Dövlət Təhlükəsizliyi Xidməti bəyan edir ki, ölkənin ayrı-ayrı tanınmış simalarının və digər şəxslərin xarici dövlətin maraqlarına xidmət etmələri kimi cəfəng və heç bir konkret fakta söykənməyən məlumatların yayılması respublikada sabitliyi pozmaq, dövlət hakimiyyəti orqanlarına inamsızlıq yaratmağa xidmət etməklə uzun illər ərzində formalaşmış Rusiya-Azərbaycan dostluq və əməkdaşlıq münasibətlərinə xələl gətirməyə hesablanıb. Belə məlumatların yayılmasını Azərbaycan dövlətinə qarşı növbəti təxribat kimi qiymətləndirir, onların düşmən qüvvələrdən qaynaqlandığını bildirərək vətəndaşlarımızı belə məsuliyyətsiz yazılara inanmamağa çağırırıq".

"Dövlət Təhlükəsizliyi Xidməti yuxarıda qeyd olunan məlumatların yayılma mənbələrinin və bu işdə əli olan qüvvələrin məqsəd və maraqlarının müəyyən edilməsi istiqamətində fəaliyyətini davam etdirir", - məlumatda bildirilib.

ŞƏRH YAZ
0
BAĞLA
X Mostbet