KORONAVİRUSA YOLUXANLARIN SAYI - CANLI STATİSTİKA

“Abşeron-şərab” ASC “Gəncə Şərab-2”nin plagiat ittihamlarına cavab verdi

“Abşeron-şərab” ASC “Gəncə Şərab-2”nin plagiat ittihamlarına cavab verdi
17:20
01.07.2020
1795
İqtisadiyyat
A
Azərbaycanın üzüm qəbulu, emalı və onun əsasında alkoqol məhsulları istehsalı üzrə ən böyük müəssisəsi olan “Abşeron-Şərab” ASC-nin mətbuat xidməti “Gəncə Şərab-2” şirkəti tərəfindən plagiat ittihamlarına cavab verib.

“Abşeron-Şərab” ASC-nin uğurları, təəssüf ki, ədalətli rəqabətə alışmayan rəqiblərdə həsəd doğurur. İstehsal edilən məhsullarının yüksək keyfiyyəti və düzgün marketinq siyasəti sayəsində “Abşeron-Şərab” ASC son üç ildə spirtli içkilərin ixracında lider mövqeyinə çıxıb və bu mövqeyi qətiyyətlə qoruyur.

Məhsullarımızın ixrac coğrafiyası Almaniya, Polşa, Belarus, Ukrayna, Rusiya və Çin kimi ölkələri əhatə edir. “Abşeron-Şərab” şirkətinin şərab şüşələrinin ixracı 2018-ci ildə 1 milyon 300 min ədəd təşkil edib və artıq 2019-cu ildə 1 milyon 700 minə çatıb. 2018-ci ildə şirkət İqtisadiyyat Nazirliyi və Azərbaycan Sahibkarlar Konfederasiyası tərəfindən “İlin ixracatçısı” mükafatına layiq görülüb.

Son vaxtlar “Gəncə Şərab-2” KİV-də bizə qarşı qara piar kampaniyası başladıb. Güman edirik ki, əsas səbəb məhz onların sağlam rəqabətə dözməməsi və keçmiş müştərilərinin getdikcə rəqibin məhsullarının keyfiyyətsizliyini arqument göstərərək, “Abşeron-Şərab”la əməkdaşlığa üstünlük verməsidir.

“Gəncə Şərab-2” bizi ona məxsus brendlərin adlarından istifadə etməkdə ittiham edir: “Bakı İşıqları”, “Qız Qalası”, “Yeddi Gözəl”, ancaq bu adlar üzərində müəllif hüquqlarını təsdiq edən heç bir hüquqi sənəd təqdim etmir. Sual yaranır: onlar özlərinə aid olmayan və ola bilməyəcək bir şeyə necə haqq iddia edə bilərlər?

Əslində, müəllif hüququ – müəllif və ya müəlliflərin onun (və ya onların) orijinal işi üzərində hüquqlarının məcmusudur. Bununla birlikdə tarixi abidə və tikililər, toponimlər, sənət əsərləri və s. bəşəriyyətin qeyri-maddi mədəni irsidir.

Buna görə “Gəncə Şərab-2” və başqa kimsənin onların adlarının yeganə sahibi olmaq hüququ yoxdur. Yazılış qaydasının qeydiyyatına və ya məhsul etiketlərində dizayna icazə verilir, lakin bu heç kimə “Mədrəsə”, “Qız Qalası”, “Çinar”, “Yeddi gözəl”, “Bakı”, “Abşeron”, “Ağdam” kimi adları mənimsəmək hüququ vermir.

Buna görə də Azərbaycanda istənilən istehsalçı bu adlardan istifadə etmək hüququna malikdir. Bizim məhsullarımızın etiketləri rəqiblərinkindən 100 faiz fərqlənir, bundan əlavə, şərabımızın şüşəsinin ixrac qiyməti “Gəncə Şərab-2” ilə müqayisədə 30 faiz bahadır. Özünüz nəticə çıxarın.

Biz “Gəncə Şərab-2”nin nümayəndəsi ilə razıyıq ki, son illər dövlət yerli məhsulun xarici bazara ixracını stimullaşdırmaqla, maliyyə şəffaflığını yoluna qoymaq və kontrafaktla mübarizə aparmaqla sahibkarlığın inkişafına və xüsusən şərabçılığa böyük diqqət ayırır. Bizə isə istehsalçı kimi, sadəcə, vaxtında vergiləri ödəmək və Azərbaycan məhsullarının beynəlxalq aləmdə təbliği və tanıdılması ilə təmsil etdiyimiz sahəni inkişaf etdirmək qalır.

“Abşeron-Şərab” ASC yerli və beynəlxalq bazarlara etibarlı tərəfdaş və təchizatçı kimi nüfuzunu, həmçinin, şirkət əməkdaşları və müştərilərin yüksək etimadını qiymətləndirir. Və hər kəs üçün asan olmayan bu ağır pandemiya zamanı bütün həmkarlarımıza bizneslərində uğurlar, ən əsası isə sağlam və ədalətli rəqabət arzulamaq istərdik”, - deyə “Abşeron-Şərab” ASC-nin məlumatında bildirilib.

ŞƏRH YAZ
0

Bəzi şəxslər 190 manatlıq ödənişi niyə ala bilməyiblər?

Bəzi şəxslər 190 manatlıq ödənişi niyə ala bilməyiblər?
18:37
04.08.2020
782
İqtisadiyyat
A
“Pandemiya ilə bağlı aprel və may aylarında 600 min vətəndaşa 190 manalıq birdəfəlik ödəmə edilib”.

"Ölkə.Az" Report-a istinadənxəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında Əmək və Əhalinin Sosial Müdafiəsi nazirinin müavini Anar Əliyev deyib.

Onun sözlərinə görə, “Məşğulluq haqqında” qanuna əsasən, birdəfəlik ödəmə işsiz kimi qeydiyyata alınan şəxslərə verilir: “Bundan sonra epidemioloji vəsiyyət nəzərə alınaraq 16 şəhər və rayonda məhdudiyyətlər tətbiq edilmişdi. Həmin yerlərdə də yaşayan və 190 manat alan şəxslərə yenidən 190 manat ödəniş etdik. Biz bu proqramı şəffaf şəkildə icra etdik. Torpaq və pay mülkiyyətçiləri məşğul şəxslər sayılır. Bu mənada həmin şəxslər məşğul şəxslər hesab olunur. Hazırda məşğulluq mərkəzlərində 26 minə yaxın iş yerləri var. 190 manatla bağlı şikayətlər nazirlik tərədindən araşdırılır. Bununla bağlı Əmək və Əhalinin Sosial Müdafiəsi naziri Sahil Babayev göstəriş verib”.

Nazir müavini qeyd edib ki, uzun müddət bank kartlarını götürməyən şəxslərə yenidən ödəniş edilmir: “Çünki biz hesab edirik ki, əgər şəxsin buna ehtiyacı varsa gəlib həmin kartı götürəcək”.

ŞƏRH YAZ
0

DSMF-in gəlir və xərcləri azaldılır

DSMF-in gəlir və xərcləri azaldılır
17:45
03.08.2020
743
İqtisadiyyat
A
Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Sosial Müdafiəsi Fondunun bu il üzrə gəlirləri və xərcləri üzrə proqnoz azaldılır.

"Ölkə.Az" APA-ya istinadən xəbər verir ki, bu barədə “Sosial təminatı və müdafiəni həyata keçirən müvafiq icra hakimiyyəti orqanının müəyyən etdiyi orqanın (qurumun) 2020-ci il büdcəsi haqqında” Azərbaycan Respublikasının Qanununda dəyişiklik edilməsi barədə qanun layihəsində yer alıb.

Layihəyə əsasən, Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Sosial Müdafiəsi Fondunun gəlirləri və xərcləri bərabər olmaqla 4 784,7 milyon manat məbləğində proqnozlaşdırılır ki, bu da cari ilin təsdiq edilmiş proqnozu ilə müqayisədə 40,8 milyon manat və ya 0,8% azdır.

Azalma əsasən xərclərin optimallaşdırılması, əmək pensiyalarınn və sosial müavinətlərin hesablanmasında, ödənilməsində nəzarətin və şəffaflığın daha da artırılması hesabına əldə olunub. Qeyd olunmalıdır ki, dürüstləşmə ilə cari ilin əvvəlinə Fondun hesabında formalaşan 197,2 milyon manat sərbəst vəsaitin qalığının Fondun gəlirlərinə daxil edilməsi və xərclər üzrə yaranan 40,8 milyon manat qənaət olunmuş vəsait də nəzərə alınmaqla - cəmi 238,0 milyon manat vəsait hesabına dövlət büdcəsindən Fonda ayrılan trasfertin məbləği 238,0 milyon manat azaldılaraq əvvəldə qeyd olunduğu kimi pandemiya ilə əlaqədar sosial müdafiə və sosial təminat üzrə maliyyə dəstəyinin davam etdirilməsinə yönəldilir.

ŞƏRH YAZ
0
BAĞLA