KORONAVİRUSA YOLUXANLARIN SAYI - CANLI STATİSTİKA

Ağsuda avtomobil oğurlayan şəxs tutuldu

Ağsuda avtomobil oğurlayan şəxs tutuldu
18:55
23.05.2020
7041
Ölkə
A
Ağsu rayon sakini Ramil Əli oğlu Abuzərov polis şöbəsinə müraciət edərək ona məxsus "VAZ-2107" markalı avtomobilin naməlum şəxs tərəfindən oğurlandığı barədə məlumat verib.

"Ölkə.Az" xəbər verir ki Ağsu Rayon Polis Şöbəsinin əməkdaşları keçirdikləri təxirəsalınmaz əməliyyat-axtarış tədbirləri nəticəsində həmin avtomobili əvvəllər məhkum olmuş Kürdəmir rayon sakini Araz İmanqulu oğlu Vəliyev olduğu müəyyənləşib.

O, Ramil Abuzərova məxsus "VAZ-2107" markalı avtomobili almaq istədiyini deyərək yoxlamaq məqsədilə sükan arxasına keçib və onu qaçırıb. Bundan sonra A.Vəliyev avtomobili Şirvan şəhərinə apararaq İlqar Telman oğlu Məmmədova satıb.

Polis əməkdaşlarının keçirdikləri əməliyyat-axtarış tədbirləri nəticəsində hər iki şəxs Şirvan şəhərində saxlanılıb. İlkin dindirmə zamanı A.Vəliyev oğurluq əməlini etiraf edib. Avtomobil sahibinə təhvil verilib.

Faktla bağlı Ağsu Rayon Polis Şöbəsinin İstintaq qrupunda araşdırma aparılır.

ŞƏRH YAZ
0

Vaqif Dərgahlı: “Azərbaycan ordusu hər an mübarizəyə hazırdır”

Vaqif Dərgahlı: “Azərbaycan ordusu hər an mübarizəyə hazırdır”
15:50
Bu gün
1172
Ölkə
A
“Bir qrup şəxs tərəfindən sosial şəbəkələrdə “Azərbaycan ordusuna dəstək”, “Qarabağın azad olunması” istiqamətində şüarlar səsləndirilir. İnsanları yekdilliklə ayağa qalxmağa səsləyirlər. Bu cür çağırışlara ehtiyac yoxdur”.

"Ölkə.Az" xəbər verir ki, bunu Müdafiə Nazirliyinin mətbuat katibi, polkovnik Vaqif Dərgahlı iyulun 12-də erməni təxribatının baş verdiyi Azərbaycan-Ermənistan sərhədindəki vəziyyətə münasibət bildirərkən deyib.

Vaqif Dərgahlı bu tip çağırışların Azərbaycan xalqının güclü vətənpərvərlik hissindən irəli gəldiyini desə də, bu kimi yazışmalara ehtiyac olmadığını vurğulayıb:

“Biz insanların vətənpərvərlik hissini anlayırıq. Amma vurğulamaq istərdim ki, Azərbaycan ordusu hər an mübarizəyə hazırdır. Düşmən tərəfə bu günə qədər lazımi cavab verilib, verilir və veriləcək. Odur ki, belə söhbətlərin sosial şəbəkələrdə yayılmasına ehtiyac yoxdur. Bu, yalnız düşmən tərəfin maraqlarına xidmət edir”.

ŞƏRH YAZ
0

Vilayət Eyvazov daha bir rəisi təqaüdə göndərdi

Vilayət Eyvazov daha bir rəisi təqaüdə göndərdi
15:46
Bu gün
1135
Ölkə
A
Daxili İşlər naziri, general-polkovnik Vilayət Eyvazov sələfi Ramil Usubovun yaxın adamını təqaüdə göndərib.

"Ölkə.Az"ın qafqazinfo-ya istinadən verdiyi xəbərə görə, nazirin əmri ilə Gəncə şəhər regional Qeydiyyat İmtahan və texniki baxış şöbəsinin (MERO) rəisi, polis polkovniki Vüqar Məmmədyarov xidmətdə olmanın son yaş həddinə görə vəzifəsindən çıxarılaraq təqaüdə göndərilib.

Qeyd edək ki, V. Məmmədyarov uzun müddət bu vəzifədə işləyib. Həmin dövrdə onun barəsində mətbuatda bir çox yazılar dərc olunub. V.Məmmədyarov keçmiş Daxili işlər naziri Ramil Usubova yaxınlığı ilə tanınıb.  

Xatırladaq ki, bir neçə gün əvvəl nazirin əmri ilə Xocalı Rayon Polis Şöbəsinin rəisi, polis polkovniki Eldar Bağırov xidmətdə olmanın son yaş həddi ilə bağlı vəzifəsindən çıxarılaraq təqaüdə göndərilib. 

ŞƏRH YAZ
0
BAĞLA