KORONAVİRUSA YOLUXANLARIN SAYI - CANLI STATİSTİKA

Almaniyada qaçqın düşərgəsində azərbaycanlı qadın özünü öldürdü

Almaniyada qaçqın düşərgəsində azərbaycanlı qadın özünü öldürdü
23:49
21.07.2019
9407
Hadisə
A
Almaniyanın Deggendorf şəhərində qaçqınlar düşərgəsində yaşayan azərbaycanlı Hümail Məmmədova intihar edib.

“Ölkə.Az” Bizimyol.info-ya istinadən xəbər verir ki, bu barədə “Azərbaycan Miqrasiya Mərkəzi” İctimai Birliyinin rəhbəri Əlövsət Əliyev məlumat verib.

Onun sözlərinə görə, 1982-ci il təvəllüdlü Hümail Məmmədova iki gün öncə dərman içərək özünə qəsd edib. Saxlandığı qaçqın düşərgəsində psixoloji təzyiqlərə, Miqrasiya İdarəsində ona qarşı münasibətlərə etiraz olaraq bu addımı atdığını deyən H.Məmmədovanı xəstəxanaya çatdırıblar. Lakin onun həyatını xilas etmək mümkün olmayıb, iyulun 21-də xəstəxanada vəfat edib.

Əlövsət Əliyevin sözlərinə görə, H.Məmmədova xəstəxanaya aparılan zaman 9 yaşlı qızının Almaniyada yaşayan bacısına verilməsini xahiş edib.

Ölkə.Az

ŞƏRH YAZ
0

Qohumlar arasındakı mübahisənin sonu qanla bitdi — VİDEO

Qohumlar arasındakı mübahisənin sonu qanla bitdi
16:23
Bu gün
379
Hadisə
A
Qohumlar arasında düşən mübahisə sonda qanla bitib.

"Ölkə.Az" BAKU.TV-yə istinadən xəbər verir ki, hadisə gecə saatlarında Şabran rayonunun Günəşli kəndində baş verib. Rayon sakini Taleh Atamoğlanov mübahisə zəminində dayısı oğlu Ələkbər Əmirovu bıçaqlayıb.

Onu yuxusundan oyadan qohumlar həyətdə kiçik məclis qurub, yeyib-içiblər. Daha sonra tərəflər arasında mübahisə baş verib. Mübahisə isə qanla bitib.

Qətli törədən Taleh Atamoğlanovun atası isə deyir ki, məclis keçirilən zaman oğlu içkili halda öz evində olub. Səs-küyü eşidib çölə çıxıb. Daha sonra isə evə qayıdıb bıçağa əl atıb.

Mərhumun doğmaları Ələkbərin ölümündə Şabran rayon xəstəxanasının həkimlərini günahlandırırlar.

Elə qarşı tərəfdən də Şabran xəstəxanasının həkimləri günahlandırılır. Bildirilir ki, mərhum ayaq nahiyəsindən bıçaq zərbəsi alıb. Amma ona yardım edilmədiyindən qanaxmadan həyatını itirib.

Qətli törədən Taleh ilə mərhum Ələkbər arasında əvvəllər heç bir mübahisə olmayıb, əksinə çox mehriban olublar.

Kənddə zəhmətkeş və sakit təbiətli biri olan Ələkbər evli olub. Bir övlad atası olan mərhumun bu yaxınlarda daha bir övladı da dünyaya göz açacaqmış.

Hazırda hadisəni törədən 1995-ci il təvəllüdlü Taleh Atamoğlanov polis tərəfindən saxlanılıb. Hadisə yerinə Şabran rayon Prokurorluğunun əməkdaşları tərəfindən baxış keçirilib və digər zəruri prosessual hərəkətlər yerinə yetirilib.

Faktla bağlı Cinayət Məcəlləsinin müvafiq maddəsi ilə cinayət işi başlanılıb, araşdırmalar davam edir.

ŞƏRH YAZ
0

688 hərəkət iştirakçısı inzibati məsuliyyətə cəlb edilib

688 hərəkət iştirakçısı inzibati məsuliyyətə cəlb edilib
15:33
Bu gün
251
Hadisə
A
Koronavirus (COVİD-19) infeksiyasının yayılmasının qarşısının alınması məqsədilə Bakı, Cəlilabad, Gəncə, Masallı, Mingəçevir, Sumqayıt, Yevlax şəhərlərində və Abşeron, Bərdə, Xaçmaz, Goranboy, Göygöl, Siyəzən və Şəki rayonları ərazisində tətbiq edilmiş sərtləşdirilmiş xüsusi karantin rejiminin pozulmasına görə 02.08.2020-ci il saat 00:00-dan 03.08.2020-ci il 00:00-dək olan müddət ərzində nəqliyyat vasitələri ilə hərəkətdə olan 429 nəfər Azərbaycan Respublikası İnzibati Xətalar Məcəlləsinin 211.1-ci, sərnişindaşımada istifadə olunan taksi və avtobuslarda tənəffüs yollarını qoruyan fərdi vasitələrdən istifadə edilmədiyinə görə isə həmin Məcəllənin 211.2-ci maddəsi ilə 65 nəfər olmaqla ümumilikdə 688 hərəkət iştirakçısı inzibati məsuliyyətə cəlb edilib.

"Ölkə.Az" xəbər verir ki, bu barədə Baş Dövlət Yol Polisi İdarəsindən (BDYPİ) məlumat verilib.

Bildirilib ki, qeyd olunan müddət ərzində Bakı-Quba yolunun 52-ci km-də yerləşən karantin keçid postundan 90-ı rayon, 115-i paytaxt istiqamətinə olmaqla 205, Bakı-Şamaxı-Yevlax yolunun 31-ci km-də yerləşən postdan 35-i rayon, 75-i paytaxt istiqamətinə olmaqla 110, Bakı-Qazax-Gürcüstan yolunun 65-ci km-də yerləşən keçid postundan 50-si rayon, 55-i paytaxt istiqamətinə olmaqla 105 avtomobil geri qaytarılıb, ümumilikdə 420 nəqliyyat vasitəsi ilə müvafiq icazə olmadan postlardan keçmək cəhdinin qarşısı alınıb.

ŞƏRH YAZ
0
BAĞLA