KORONAVİRUSA YOLUXANLARIN SAYI - CANLI STATİSTİKA

Almazbek Atambayev qətldə ittiham edilir

Almazbek Atambayev qətldə ittiham edilir
12:16
13.08.2019
3311
Dünya
A
Qırğızıstanın keçmiş Prezidenti Almazbek Atambayev qətldə ittiham edilir.

"Ölkə.Az" xəbər verir ki, bu barədə İstintaqa Nəzarət üzrə Baş Prokurorluğun rəhbəri Zamir Beişekeev məlumat verib.

 Onun sözlərinə görə, sabiq prezidentə qarşı qətl, qətlə cəhd, üsyanın təşkili, əsir götürmə və hökumət rəsmilərinə qarşı zorakılıq ittihamları irəli sürülüb.

Həmçinin Qırğızıstan Dövlət Milli Təhlükəsizlik Komitəsinin sədri Orozbek Opumbayev da bu məsələ ilə bağlı mətbuat konfransında çıxış edib.

“Mən bunu açıq şəkildə bəyan edirəm! Ona dövlət çevrilişini həyata keçirmək üçün qan tökmək lazım idi.

Onun evində böyük silah anbarı, o cümlədən, snayper tüfəngləri, tapançalar tapılıb. Xüsusi təyinatlı Atambayevin evinə hücum edərkən eks-prezidentin silahı ilə öldürülüb”.

Xatırladaq ki, avqustun 7-də xüsusi təyinatlılar Almazbek Atambayevin Koy-Taş kəndində yerləşən iqamətgahına gələrək onu həbs etməyə çalışıb, lakin sabiq ölkə rəhbərinin tərəfdarları ilə təhlükəsizlik əməkdaşları arasında qarşıdurma yaşanıb. A.Atambayev iğtişaş zamanı silahla atəş açdığını etiraf edib. 

Hücum zamanı 136 nəfər xəsarət alıb, bir xüsusi təyinatlı həyatını itirib. A.Atambayev avqustun 8-də saxlanılıb.

 

ŞƏRH YAZ
0

Türkiyədə yeni dərs ili onlayn başlayacaq

Türkiyədə yeni dərs ili onlayn başlayacaq
23:54
12.08.2020
730
Dünya
A
Türkiyədə yeni tədris ili COVID-19 pandemiyası səbəbindən onlayn üsulla başlanacaq.

"Ölkə.Az" oxu.az-a istinadən xəbər verir ki, tədris prosesinə avqustun 31-də start veriləcək.

Bu barədə Türkiyənin Milli Təhsil naziri Ziya Selçuk məlumat verib.

Koronavirusla bağlı ölkədəki vəziyyət və bunun məktəblərə təsiri sentyabrda yenidən dəyərləndiriləcək.

Qeyd edək ki, Türkiyədə koronovirus infeksiyasına gündəlik aşkarlanan yoluxma sayı 1200 nəfərə yaxındır.

ŞƏRH YAZ
0

Beyrutu məhv edən partlayışın pərdəarxası məqamları — VİDEO

Beyrutu məhv edən partlayışın pərdəarxası məqamları
22:58
12.08.2020
639
Dünya
A
Livanın paytaxtı Beyrutda 171 nəfərin ölümü və yüz minlərlə insanı evsiz qoyan partlayışdan sonra yaralar sağalır. Limanda partlayışın səbəbi kimi göstərilən 2750 ton ammonium nitratın mənbəyi ilə bağlı suallar isə günbəgün artır.

"Ölkə.Az" Baku TV-yə istinadən xəbər verir ki, 2013-cü ildə yükləri Batumidən Beyruta daşıyan və İstanbul Boğazından keçən Rhosus gəmisinin kimə aid olması ilə bağlı maraqlı detallar ortaya çıxıb.

Araşdırmalardan sonra təxminən üç min ton ammonium nitrat daşıyan gəminin Mozambikdəki partlayıcı istehsalçısına göndərildiyi ortaya çıxıb. Kapitanın verdiyi göstərişlərə uyğun olaraq, Beyrutda dayanan gəminin burada qaldığı bəlli olub.

Mozambik firması sifarişin verildiyini təsdiqləsə də, yük üçün pul ödəmədiyini açıqlayıb. Bundan sonra gəminin yükləri limandakı anbarlara göndərilib. Boş gəmi 2018-ci ildə batıb.

Rhosusun sığortası olmadığı iddia edilib, baxmayaraq ki, yük gəmiləri beynəlxalq dəniz qanunlarına görə sığortalanmalıdır.

Partlayışa səbəb olan ammonium nitratın pulunun kim tərəfindən ödənildiyi və Beyrut limanında materialların ələ keçirilməsindən sonra geri qaytarılmağa çalışılıb, yoxsa yox bunlar sual altındadır.

Digər tərəfdən, korrupsiyada günahlandırılan Livan prezidenti Mişel Aun “Bütün Livan xalqına söz verirəm, məlumatlar ortaya çıxana qədər çalışacağam”, - deyib.

Partlayış baş verən yerə toplaşan Beyrut xalqı “O bilirdi” yazılı plakatlarla prezidentin istefasını tələb edib. İddia olunurdu ki, iyul ayında prezidentə və hökumətə anbarlarda ammonium nitrat barədə xəbərdarlıq edilib. Məsuliyyəti qəbul edən hökumət isə dünən istefasını təqdim edib.

İstənilən halda, elə partlayışın özü kimi həqiqətlər də ortalığa çıxmaq üçün günləri sayır…

ŞƏRH YAZ
0
BAĞLA