KORONAVİRUSA YOLUXANLARIN SAYI - CANLI STATİSTİKA

Altay Həsənov: Azərbaycan bədii gimnastika üzrə 37-ci dünya çempionatının keçirilməsinə tam hazırdır

Altay Həsənov: Azərbaycan bədii gimnastika üzrə 37-ci dünya çempionatının keçirilməsinə tam hazırdır
23:13
11.09.2019
4498
İdman
A
Azərbaycan bədii gimnastika üzrə 37-ci dünya çempionatının keçirilməsinə tam hazırdır.

"Ölkə.Az" bildirir ki, Trend-in məlumatına görə, bunu Azərbaycan Gimnastika Federasiyasının (AGF) vitse-prezidenti Altay Həsənov deyib.

Altay Həsənov bildirib: "Sentyabr ayının 16-dan 22-ə kimi Bakıda bədii gimnastika üzrə 37-ci dünya çempionatı keçiriləcək. Yarışa ciddi hazırlıq gedir. İnanırıq ki, hər şey yüksək səviyyədə olacaq. Bədii gimnastika üzrə dünya çempionatı Azərbaycanda ilk dəfə 2005-ci ildə keçirilib. Bu, Olimpiya idman növləri üzrə Azərbaycanda keçirilən ilk vacib idman yarışı idi. O vaxtdan ölkədə çox sayda Avropa çempionatları, dünya kuboku yarışları keçirilib və biz müəyyən təcrübə toplamışıq".

O, vurğulayıb ki, 61 ölkənin iştirak edəcəyi bu dünya çempionatına böyük maraq var: "Çempionatda 61 ölkə iştirak edir. İnanıram ki, yarışları izləyən tamaşaçılar bizim komandaya dəstək olacaq. Ona görə də media vasitəsilə hamını bu gözəl idman bayramına dəvət edirəm. Əsas hədəfimiz lisenziya qazanmaqdır. Məlum olduğu kimi, bu dünya çempionatı Tokioda keçiriləcək Olimpiya oyunlarına lisenziya qazanmaq imkanı verir. Bu bizim üçün çox vacibdir".

A.Həsənov xüsusilə vurğulayıb ki, biletlərin 45 faizi xaricdən alınıb.

Qeyd edək ki, 14 ildən sonra ölkəmiz yenidən ən önəmli yarışlarından biri - Bədii Gimnastika üzrə Dünya Çempionatına ev sahibliyi edəcək.

16-22 sentyabr tarixlərində keçiriləcək yarış yalnız bütün dünyadan olan bədii gimnastların birincilik uğrunda mübarizəsi ilə deyil, eyni zamanda 2020-ci ildə Tokioda (Yaponiya) təşkil ediləcək 32-ci Olimpiya Oyunlarına lisenziya xarakteri daşıması ilə əlamətdar olacaq.

62 ölkənin iştirak edəcəyi çempionatda həm fərdi gimnastlar, həm də qrup hərəkətləri komandaları 7 gün boyunca baş tutacaq ayrı-ayrı alətlər və çoxnövçülük yarışlarında ən yaxşıların sırasında olmağa çalışacaqlar. Eyni zamanda komanda hesabında ən güclülərin adları açıqlanacaq.

İlkin qeydiyyat siyahısına əsasən yarışda çıxış edəcək 300-dən çox gimnast Olimpiadaya yeni namizəd olmaq üçün bütün güclərini toplayaraq yarışacaqlar. Belə ki, fərdi proqramda çoxnövçülük üzrə ilk 16-lıqda yer alan gimnastlar (bir ölkədən maksimum 2 gimnast olmaqla) lisenziya əldə etmiş olacaqlar. Qrup hərəkətləri komandalarına gəldikdə isə, ötən ilin Dünya Çempionatının nəticələrinə əsasən Bolqarıstan, Rusiya və İtaliya artıq lisenziyanı təmin edib. Bu ilin çempionatında çoxnövçülük xalları üzrə daha 5 ən yaxşı komanda Tokioya vəsiqə qazanacaq.

Ölkə.Az

ŞƏRH YAZ
0

Həbib Nurməhəmmədov növbəti döyüşə hazırlaşır — FOTO

Həbib Nurməhəmmədov növbəti döyüşə hazırlaşır
01:55
Bu gün
113
İdman
A
Rusiyalı UFC döyüşçüsü Həbib Nurməhəmmədov amerikalı Castin Qetji ilə döyüşə hazırlıqları davam etdirir.

"Ölkə.Az" xəbər verir ki, bu barədə idmançı öz “Instagram” hesabı vasitəsilə məlumat yayıb.

Son məşqindən özü və əmisi oğlu Abubakarın yorğun haldakı şəklini paylaşan Həbib fotoya qeyd əlavə edib:

“Hər şey plan üzrə gedir. 11 həftə qaldı. UFC 254-də görüşənədək”.

Qeyd edək ki, Həbib Nurməhəmmədov növbəti döyüşünü UFC 254 turnirində keçirəcək. O, amerikalı Castin Qetji ilə qarşılaşacaq.

ŞƏRH YAZ
0

Braziliyalı hücumçu “Çelsi”dən ayrıldı

Braziliyalı hücumçu “Çelsi”dən ayrıldı
18:41
09.08.2020
392
İdman
A
“Çelsi” klubunun braziliyalı hücumçusu Villian komandadan ayrılıb.

"Ölkə.Az" xəbər verir ki, bu barədə futbolçu “Instagram”dakı səhifəsində bildirib.  

“İrəli hərəkət etmək vaxtı çatıb. Mən komandadakı yoldaşlarım üçün darıxacağam. Klubun həmişə mənə oğul kimi aid olan əməkdaşları üçün darıxacam. Azarkeşlər üçün darıxacağam. Burda qalib gəldiyimi bilərək, başımı dik tutub gedirəm", - o sosial şəbəkədə yazıb.

ŞƏRH YAZ
0
BAĞLA