Angela Merkel üçüncü dəfə titrədi

“Ölkə.Az” xəbər verir ki, bu, son ayda üçüncü dəfə baş verən hadisədir.

Bu dəfə Angela Berlində Finlandiyanın baş naziri Antti Rinne ilə rəsmi görüş zamanı titrəyib. Kansler Rinne ilə birlikdə baş nazirin şərəfinə keçirilən hərbi keçidi izləyərkən titrəyib.

İlk dəfə Merkel 18 iyun tarixində Ukrayna prezidenti Zelenski ilə görüşdə titrəmişdi. İkinci hadisə Almaniya prezidenti Frank-Valter Ştaynmayerlə görüş zamanı baş verib.

Merkel özü qeyd edib ki, buna görə narahat olmağa dəyməz. O, Zelenski ilə görüşdə titrəməsini Berlində havaların isti keçməsi səbəbindən orqanizmində suyun azalması ilə əlaqələndirmişdi.

Mütəxəssislər isə həm orqanizmdə mayenin azalmasının, həm də çoxlu qəhvə içməyin buna səbəb ola biləcəyini bildiriblər. Eyni zamanda psixoloji faktorlar da buna səbəb ola bilər.

Ölkə.Az