KORONAVİRUSA YOLUXANLARIN SAYI - CANLI STATİSTİKA

Aqil Ələsgər Ermənistanın sərhəd təxribatını "TRT Arabiyyə" və "A Haber"də şərh etdi — VİDEO

Aqil Ələsgər Ermənistanın sərhəd təxribatını
17:43
16.07.2020
2623
Ölkə
A
Müasir dövrdə müharibə yalnız səngərdə deyil, həm də informasiya sahəsində aparılır. 3 dildə – Azərbaycan, türk və rus dillərində yayımlanan “Yeni Çağ” Media Qrupu ölkəmizin apardığı genişmiqyaslı informasiya savaşında hər zaman öncüllərdən olub.

Eyni zamanda, “Yeni Çağ” Media Qrupunun rəhbəri Aqil Ələsgər də öz imkanları və şəxsi əlaqələri vasitəsilə Azərbaycan həqiqətlərinin beynəlxalq auditoriyalara çatdırılmasında intensiv fəaliyyət göstərir.

O, “TRT World” qrupuna daxil olan “TRT Arabia”, “A Haber”, ON4 və başqa telekanallarda, Kərkükün ən nüfuzlu agentliklərindən olan “Türkmən” İnformasiya Agentlikliyində, və digər platformalarda Ermənistanın Tovuz rayonu istiqamətində törətdiyi təxribatlar haqqında ətraflı məlumat verir.

Aqil Ələsgər Türkiyə, Şimali Kipr, İraq mətbuatında Ermənistanın sözügedən sərhəd təxribatını və təcavüzkar siyasətini daim ifşa edən azsaylı jurnalistlərimizdəndir.

Qeyd olunmalıdır ki, Aqil Ələsgər beynəlxalq platformalarda son məlum hadisələrin və digər mühüm olayların işıqlandırılmasında istisnasız olaraq, Azərbaycanın dövlət maraqlarına əsaslanıb.

“Yeni Çağ” Media Qrupunun rəhbəri 15 ilə yaxındır ki, hər il Xocalı Soyqırımı ilə əlaqədar Türkiyənin nüfuzlu telekanallarında çıxışlar edir, müxtəlif universitetlərdə geniştərkibli konfranslar təşkil edir.

ŞƏRH YAZ
0

Azərbaycanda yol tikintisi 20 əsrlik abidələri üzə çıxardı — VİDEO

Azərbaycanda yol tikintisi 20 əsrlik abidələri üzə çıxardı
02:51
Bu gün
69
Ölkə
A
Prezident İlham Əliyevin 31 iyul 2020-ci il tarixli sərəncamına əsasən, İsmayıllı rayonu ərazisində avtomobil yolunun tikintisinə başlanılıb.

Baku TV xəbər verir ki, yolun Kürdüvan kəndindən keçən hissəsində görülən işlər zamanı böyük daş parçaları ağır texinkanın hərəkətinə mane olub.

Ortaya çıxan tikili isə hər kəsin marağına səbəb olub. Kərpic tikililər və hörgülər tapılan tarixi abidənin əsasını təşkil edir.

Kənd sakini Əlikram İsmayılov Rayon İcra Hakimiyyətinin başçısı və Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin İsmayıllı rayonu üzrə nümayəndələrinə məlumat verib. Aidiyyəti qurum üzvləri əraziyə və tarixi tapıntılara baxış keçirib.

Əraziyə ilkin baxış zamanı antik dövrə aid xeyli sayda dulusçuluq qabları və bəzək əşyaları tapılıb. Aşkarlanan maddi mədəniyyət nümunələrindən birinin üzərində ərəbcə yazıların olduğu bildirilib.

Bundan əlavə, eramızın I-III əsrlərinə aid dolça, su qabları, boşqablar və bir neçə lampa, xeyli sayda bəzək nümunələri aşkarlanıb. Eyni zamanda, ərazidən Elxanilər dövrünə aid müxtəlif pul vahidləri də tapılıb.

Rayon İcra Hakimiyyətinin başçısı əraziyə baxış keçirib, tarixi tapıntılarla yeridəcə tanış olub.

Kürdüvanın da daxil olduğu Basqal inzibati ərazi dairəsində yeddi məscidin olduğu bildirilir. Yerli sakinlərin sözlərinə görə, onlardan biri əvvəllər məhz bu ərazidə yerləşib.

Artıq nadir tapıntıların aşkarlandığı yerdə tikinti işləri dayandırılıb, oraya aparan yollar xüsusi lentlə bağlanıb. Polis əməkdaşları tərəfindən ərazinin mühafizəsi təmin edilib.

ŞƏRH YAZ
0

18 yaşlı gənc Tibb Universitetindən imtina edib, arzularının dalınca getdi — VİDEO

18 yaşlı gənc Tibb Universitetindən imtina edib, arzularının dalınca getdi
01:22
Bu gün
176
Ölkə
A
Ötən il valideynlərinin arzusu ilə 652 balla Tibb Universitetinin “Müalicə işi” fakültəsinə daxil olan 18 yaşlı Lənkəran şəhər sakini Mirənvər İsmayılov seçiminin ürəyincə olmadığını görüb.

Baku TV xəbər verir ki, bir neçə ay Tibb Univeristetinin auditoriyasında oturan gənc anidən ürəyinin səsinə qulaq asaraq, ərizə yazıb, ali məktəbdən imtina edir. 

Yenidən qəbul imtahanlarına hazırlaşmağa başlayır. Beləliklə, gənc 11-ci siniflər üçün keçirilən qəbul imtahanının birinci mərhələsində maksimum nəticə olan 300 bal toplayıb. 

O, nəinki oxuduğu məktəbin, eləcə də, respublikanın maksimum nəticə göstərən abituriyenti olub. 

Onun hədəfi isə Bakı Ali Neft Məktəbinin “İnformasiya təhlükəsizliyi” ixtisasına qəbul olmaqdır. 

Qeyd edək ki, Mirənvər İsmayılov ötən il ABŞ universitetlərinə keçirilən qəbul imtahanlarında da yüksək nəticə göstərib. Azərbaycan Tibb Univeristetinə daxil olduğu üçün orada ixtisas seçimində iştirakdan imtina edib.

ŞƏRH YAZ
0
BAĞLA