KORONAVİRUSA YOLUXANLARIN SAYI - CANLI STATİSTİKA

"Arif Babayev dedi ki, Alim Qasımovu yamsılamaq..." — Zabit Nəbizadə 31 illik SİRRİ AÇDI

12:10
08.07.2019
6926
Mədəniyyət
A
ATV-da "Şöhrət", "Şərəf" və "İstiqlal" ordenli xalq artisti, ustad xanəndə Arif Babayevə həsr edilmiş verilişdə gənc həmkarları onun barəsində maraqlı fikirlər səsləndiriblər.

"Ölkə.Az"ın məlumatına görə, xalq artisti Teyyub Aslanov A.Babayevin musiqi aləmində böyük nüfuza sahib olduğunu diqqətə çatdırıb:

"Arif Babayevdə xanəndəyə lazım olan hər şey var. Səs, boy-buxun, hörmət... Təsəvvür edin ki, o, hansı məclisə gedirsə, hər kəs ayağa qalxır. Bunun özü böyük nüfuz demədkir.  2007-ci ilə qədər heç vaxt Arif Babayevlə telefonda danışmamışam. 2007-ci ildə mənə əməkdar artist fəxri adı veriləndə çoxlu təbrik zəngləri gəldi. İlk təbrik edənlərdən biri də Arif Babayev idi. Bu özü özlüyündə bir sadəlikdir. Arif Babayev hardadır, Teyyub hardadır? Amma ona baxmayaraq zəng vurur, təbrik edir. Bu, həm də cavanlara böyük örnəkdir".

Digər xalq artisti Zabit Nəbizadə isə sənətkar barədə danışarkən, 31 illik sirrin üstünü açıb:

"Burada bir sirr açmaq istəyirəm. Sənətə gəlişimdə ilk xeyir-duanı Arif Babayevdən almışam. İndiki kimi yadımdadır ki, 1988-ci il idi. Konservatoriyaya-Arif Babayevin yanına getdim. Bilmək istəyirdim ki, məndən xanəndə olarmı. Təxminən yarım saatlıq "Mirzə Hüseyn" segahı oxudum. Arif müəllim demədi ki, ay bala, bu uzunluqda oxuma, vaxtımı alırsan. Oxuyandan sonra tələbələrdən biri dedi ki, Arif müəllim, bu oğlan Alim Qasımovu yamsılayır. Doğrudan da mən 7-8 il Alim Qasımovu yamsılamışam. Arif Babayev dedi ki, Alim Qasımov boyda sənətkarı yamsılamaq da bir sənətkarlıqdır. Bəlkə də o söz olmasaydı, mən bu sənətə gəlməyəcəkdim. O vaxta qədər Arif müəllim bizim kəndə, rayona çox toylara gəlirdi. Mağarın kənarından ona həsədlə baxırdıq. Düşünürdüm ki, görəsən nə vaxtsa ona salam verə biləcəm?  Amma Allaha çox şükür ki, bu gün onunla bir kollektivdə çalışıram".

Ölkə.Az

ŞƏRH YAZ
0

"Dedi, 4 il ömrüm qalıb" — Dostu məşhur diktor barədə

18:24
04.08.2020
1129
Mədəniyyət
A
“Görüşəndə mənə dedi ki, həkim ona 4 il ömrü qaldığını söyləyib. Dedim, belə sözlərə fikir vermə, sən çox yaşayacaqsan”.

"Ölkə.Az" xəbər verir ki, bunu Yenicag.az-a açıqlamasında xalq artisti, məşhur diktor Sabir Ələsgərli həmkarı və sənət dostu mərhum xalq artisti, tanınmış diktor  Rafiq Hüseynovun doğum günündə xatirələrini bölüşərkən deyib.

O, sənət dostunu belə yad edib:

“Rafiqlə cavanlığımız bir yerdə keçib. Gözəl dost idi. Onun məşhurluğa gedən yolu televiziyada işıqçı işindən başlayıb.
Sonra diktorluqdan sədr müavini vəzifəsinə qədər yüksəldi. O, həm Azərbaycan, həm də rus dilini mükəmməl səviyyədə bilən peşəkar diktor idi. Xarizmatik insan idi, sevənləri həddən artıq çox idi. Rafiqi təkcə Azərbaycanda yox, Rusiyada da çox sevirdilər. Ona Rusiyada televiziyada iş də təklif olunub, o vətənə hədsiz dərəcədə bağlı insan olduğundan bu təklifi qəbul etməyib.
Dostcanlı, səxavətli insan idi. Kimsə ondan nəsə xahiş etsəydi, dərhal kömək edərdi. Heç kimin sözünü yerə salmazdı”.

S.Ələsgərov mərhum diktorun oğlunu itirdiyini və bu itkinin ömrünün sonuna qədər onu sarsıtdığını bildirib:

“Rafiq 17 yaşlı oğlunu faciəli şəkildə itirdi. Dəhşətli ölümdən sarsılan Rafiq ömrüboyu bu itkini unuda bilmədi. Oğlunu itirəndə dedi ki, mən niyə ölmürəm, oğlumdan sonra yaşaya bilirəm. Ömrünün sonuna qədər bu ağrı ilə yaşadı. Oğul itkisi onun qəddini əymuşdi”.

S.Ələsgərli həmkarının son illər ağır xəstəliklə mübarizə apardığını və bu xəstəlikdən xilas ola bilmədiyini bildirib:

“Bir dəfə Rafiq mənə dedi ki, həkim ona 4 il ömrü qaldığını söyləyib. Dedim, belə sözlərə fikir vermə, sən çox yaşayacaqsan. Elə həkim dediyi kimi oldu, 4 il yaşadı. Xəstəliklə çox mübarizə apardı, bir neçə dəfə əməliyyat olundu, amma xilas ola bilmədi. Bu gün onun yeri çox görünür”.

ŞƏRH YAZ
0

Bu gün Azərbaycan Kinosu Günüdür

Bu gün Azərbaycan Kinosu Günüdür
10:39
02.08.2020
454
Mədəniyyət
A
Bu gün Azərbaycan Kinosu Günüdür. Ümummilli lider Heydər Əliyevin 2000-ci il 18 dekabr tarixli Sərəncamı ilə avqustun 2-si kino işçilərinin peşə bayramı - Azərbaycan Kinosu Günü kimi qeyd olunur. Bu gün Azərbaycan kinosu yaranmasının 122-ci ildönümün qeyd edir.

''Ölkə.Az'' axşam.az-a istinadən xəbər verir ki, Fransada keçirilmiş ilk kinoseansdan iki il sonra – 1898-ci il avqustun 2-də Bakı elmi-foto dərnəyinin katibi, naşir və fotoqraf Aleksandr Mişon özünün lentə aldığı “Bibiheybətdə neft fontanı yanğını”, “Əlahəzrət Buxara əmirinin yolasalma mərasimi”, “Qafqaz rəqsi” xronikal sənədli və “İlişdin” adlı bədii süjetlərini nümayiş etdirmişdi. Həmin gün milli kinonun yaranma günü sayılır.

Ötən əsrin əvvəllərində “Pate”, “Pirone”, “Filma” kimi xarici kino şirkətləri Bakıda filiallarını açaraq film istehsalı ilə məşğul olublar. 1916-cı ildə yazıçı İbrahim bəy Musabəyovun eyniadlı povesti əsasında “Neft və milyonlar səltənətində”, 1917-ci ildə isə Üzeyir Hacıbəylinin eyniadlı operettası əsasında “Arşın mal alan” qısametrajlı bədii filmləri çəkilib.

Azərbaycan Xalq Cümhuriyyəti dövründə hökumət bir çox mədəni-siyasi islahatlar keçirib. Xarici aləmlə diplomatik, mədəni–iqtisadi əlaqələr dünya kinosunun ilk nümunələrinin Bakıya gətirilməsinə və ictimai baxışlara təkan verib. Bunun nəticəsində Bakıda kinematoqrafiya həvəskarlarının sayı artmağa başlayıb. 1918-ci ildə onlar “Kinematoqrafiya və teatr qulluqçuları şurası”nda birləşiblər.

Azərbaycanda sovet hakimiyyəti qurulduqdan sonra 1923-cü ildə Azərbaycan Foto-Kino İdarəsi (AFKİ) yaradılıb və həmin il aprelin 28-də Birinci Dövlət Kinofabriki açılıb. Burada çəkilən ilk film xalq əfsanəsinin motivləri əsasında yaradılmış “Qız qalası” bədii filmi olub.

1923-1926-cı illərdə kinostudiya Birinci Dövlət Kinofabriki, sonradan AFKİ Kinofabrik ilə birləşdirilərək “Azdövlətkino”, “Azərkino”, “Azərfilm”, “Azdövlətkinosənaye”, “Bakı kinostudiyası”, “Azərbaycanfilm” adlandırılıb. 1960-cı ildən Cəfər Cabbarlının adını daşıyır.

“Azərbaycanfilm”də indiyədək iki mindən çox müxtəlif növ və janrda film istehsal olunub. Onların bir hissəsi, o cümlədən “Arşın mal alan”, “Şərikli çörək”, “Ad günü”, “Sevinc buxtası”, “İstintaq”, “Yaramaz” və başqaları Dövlət mükafatlarına, bir çox filmlər, o cümlədən “Ögey ana”, “Uzaq sahillərdə”, “Arşın mal alan”, “Bizim Cəbiş müəllim”, “Axırıncı aşırım”, “Nəsimi”, “Özgə vaxt”, “Sarı gəlin”, “Ovsunçu”, “Buta”, “Çölçü”, “Nabat”, “Axınla aşağı” və digərləri beynəlxalq və digər kinofestivalların mükafatlarına layiq görülüb.

Ümummilli lider Heydər Əliyevin mədəniyyət və incəsənət xadimlərinə, kino sahəsində çalışanlara göstərdiyi diqqət və qayğı hazırda Prezident İlham Əliyev tərəfindən uğurla davam etdirilir. Prezident İlham Əliyevin “Azərbaycanda kino sənətinin inkişaf etdirilməsi haqqında” 2007-ci il 23 fevral tarixli Sərəncamı milli kinomuzun maddi-texniki bazasının möhkəmləndirilməsinə yeni təkan verib. Dövlətimizin başçısının müvafiq Sərəncamı ilə təsdiq olunmuş “Azərbaycan kinosunun 2008-2018-ci illər üzrə inkişafına dair Dövlət Proqramı”nın icrasını təmin etmək məqsədilə bir çox mühüm işlər görülüb.

Ölkə.Az

ŞƏRH YAZ
0
BAĞLA