KORONAVİRUSA YOLUXANLARIN SAYI - CANLI STATİSTİKA

Arvadını 5-ci mərtəbədən atan “Buta Palace”-ın art direktorundan — XƏBƏR VAR

Arvadını 5-ci mərtəbədən atan “Buta Palace”-ın art direktorundan
15:12
23.07.2019
40666
Maqazin
A
Arvadını yaşadıqları mənzilin balkonundan ataraq xüsusi amansızlıqla öldürməkdə təqsirləndirilən “Buta Palace”ın art direktoru Ramiz Taxvelinin məhkəməsi keçirilib.

"Ölkə.Az" Qafqazinfo-ya istinadən xəbər verir ki, Bakı Ağır Cinayətlər Məhkəməsində hakim Rasim Sadıxovun sədrliyi ilə baş tutan prosesdə R.Taxvelinin vəkili vəsatət verərək məhkəmə iclaslarının audio və video görüntülərlə lentə alınmasını istəyib.

Vəsatət təmin edilməyib.

Ramiz Taxvelinin işçisi olmuş Rəna Məmmədovanın şahid qismində dindirilməsi barədə vəsatət verilib.

Ramiz Taxvelinin avtomobilinə baxış keçirilib oradan marixuana aşkar olunarkən R.Məmmədova hal şahidi kimi orada iştirak edib. Məhkəmə bu vəsatəti təmin edib.

Penitensiar Xidmətin Müalicə Müəssisəsində saxlanılan R.Taxveli məhkəməyə əlil arabasında gətirilib. Şüşə qəfəsdə deyil, konvoyun nəzarəti ilə salonun girişində əlil arabasına saxlanılır.

O, proses zamanı rabitəsiz nitqlər söyləyir. Lakin istintaq onun anlaqlı vəziyyətdə olduğunu müəyyənləşdirib. Keçmiş qayınanası isə Taxvelinin bu hərəkətlərini şou adlandırıb.

Hadisə 2018-ci il dekabrın 10-da gecə saat 3 radələrində paytaxtın Nəsimi rayonu, Rəşid Behbudov küçəsində yerləşən hündürmərtəbəli binada baş verib.

Orada yaşayan Taxveli Adelya Azər qızı 5-ci mərtəbədə balkondan düşərək vəfat edib.

İlkin olaraq A.Taxvelinin intihar etdiyi zənn edilsə də, sonradan hadisənin cinayət olduğu ortaya çıxıb. Məlum olub ki, A.Taxvelinin mübahisə zəminində əri Ramiz Taxveli balkondan aşağı atıb.

Mərhum Adelya Taxveli Gənclər və İdman naziri Azad Rəhimovun yaxın qohumu olub. 30 yaşında vəfat edən Adelyanın anası nazirin xalası qızıdır.

Ramiz Taxveli isə Azərbaycanın xalq artisti Gülağa Məmmədovun yeganə qızının nəvəsidir. 

Ölkə.Az
 

 

ŞƏRH YAZ
1

“Virusa görə maşınımı və bağımı satdım” — Xalq artisti

“Virusa görə maşınımı və bağımı satdım”
14:25
Bu gün
309
Maqazin
A
Xalq artisti Brilliant Dadaşova pandemiyanın maddi durumuna etdiyi təsirdən danışıb.

"Ölkə.Az"ın məlumatına görə, kult.az-a müsahibə verən sənətçi xərclərini qarşılamaq üçün maşınını və bağını satmağa məcbur qaldığını deyib:

“Əvvəl iki maşınımızdan birini satdıq, çünki Cahadın imkansız tələbələr üçün hazırladığı və üzərində iki ildən çox çalışdığı layihə gəlir gətirməyəcəkdi. Bunu təmənnasız etmişik. Həm də fikrimizcə, bu layihə külli miqdarda vəsait tələb edirdi. Cahad bu layihəyə başlayanda hələ pandemiyanın olacağından xəbərsiz idim. Sonra isə o proyekti tamamlamaq lazım idi. Biz də əlimizdən gələni etdik.

Ailəmiz böyük olduğuna görə Buzovnadakı şəxsi bağımızı satdıq. Onun yaxınlığında Buzovnada böyüdüyümüz atamın bağı var. Ailə üzvləri ilə ora yığışırıq. Satdığımız şəxsi bağımız isə 24 sotun içində idi. Əvvəl istədik orada hər hansı bir təsərrüfat işi görək, sonra anladıq ki, bu da böyük məbləğdə vəsait tələb edir. Koronavirus pandemiyasının olacağını bilmirdik, yoxsa əvvəldən tədarüklü olardıq. Xərclərimizə qənaət edərdik”.

ŞƏRH YAZ
0

Könül Muxtarova “Lider”dən getdi

Könül Muxtarova “Lider”dən getdi
13:56
Bu gün
432
Maqazin
A
Aparıcı Könül Muxtarova “Lider” telekanalı ilə yollarını ayırıb.

"Ölkə.Az"ın axşam.az-a istinadən məlumatına görə, o, ötən gün ərizəsini yazaraq işdən çıxıb.

Buna səbəb isə telekanalın yeni mövsümdə heç bir layihəsinin olmamasıdır. Belə ki, “Lider TV” yalnız prodakşın verilişləri yayımlamağa başlayıb.

Xəbəri təsdiqləyən Könül bildirib ki, kanalda heç bir veriliş yoxdur:

“Oranın rəsmi işçisiyəm, prodakşınla çalışmağı düşünmürdüm. Kanalda iş getmir. Oranın ştatda olan işçilərinə heç bir layihə verilmir. Verilişin olmayacağını işçiyə ən gec iyun-iyulda demək lazım idi. Sentyabrda işçiyə deyirlər ki, kanalda layihə yoxdur”.

Bir neçə gün əvvəl sosial şəbəkədə yazdığı “Günlərdir yazmaq və demək istədiklərim boğazımda düyünlənib. Həyata davam etsəm də, əslində böyük boşluğun içindəyəm. İlk dəfədir möcüzə üçün bu qədər dua edirəm. Bilirəm yaşadığım heç nə boşuna deyildi və üzüm yenidən güləcək” sözləri ilə gündəmə gələn aparıcı ona da aydınlıq gətirib:

“Elə zəmanəyə gəlmişik ki, gündəlik əhvalımızı istər-istəməz sosial şəbəkədə hiss etdiririk. Bir neçə gün əvvəl gərgin və qorxulu günlər keçirdim, həmin sözləri də ona görə yazdım. İndi hər şey geridə qaldı. Verdiyim qərarlar özümlə bağlıdır. Əminəm ki, bu qərarım digər mövsümlərdəkindən fərqlənəcək. Çünki burada söhbət tək telekanaldakı fəaliyyətimdən yox, özümdən də gedir”.

ŞƏRH YAZ
0
BAĞLA
X Mostbet