KORONAVİRUSA YOLUXANLARIN SAYI - CANLI STATİSTİKA

ATƏT müşahidəçinin statusunu niyə ləğv edib? — Aygün Attardan açıqlama - VİDEO

ATƏT müşahidəçinin statusunu niyə ləğv edib?
13:25
14.02.2020
1795
Siyasət
A
Müşahidəçi statusu ləğv edilən Aygün Attar baş verənlərə aydınlıq gətirib.

"Ölkə.Az" xəbər verir ki, o, Real TV-yə açıqlamasında statusunun ləğv edilməsini ATƏT-in mövqeyinə etiraz etməsilə əlaqələndirib.

"Müşahidəçisi olduğum təşkilatın qərəzli mövqeyindən rahatsızlıq duydum. Bunu yazılı şəkildə missiyanın rəhbərliyinə bildirdim. Həqiqətləri elmi-nəzəri və sənədli şəkildə söylədiyim üçün narahat oldular və statusumu ləğv etdilər. Mən qeyd etmişdim ki, ATƏT öz səlahiyyətlərini icra etməlidir, tərəfsiz olmalıdır. Amma ATƏT tərəfli idi. ATƏT radikal və müxalif fikirləri həqiqət kimi təlqin edə bilməz. Daha çox sonuncu paraqrafda yazdığımdan narahat olublar. Qeyd etmişdim ki, seçkilər Azərbaycan xalqının seçimidir. ATƏT xalqın seçiminə hörmət etməlidir. Bundan narahat olaraq stasumu ləğv etdilər", -deyə Aygün Attar bildirib.

Onun müsahibəsini tam olaraq təqdim edirik:

ŞƏRH YAZ
1

Xəzərə axıdılan tullantı suları təkrar istifadə edilə bilər — Agentlik sədri

Xəzərə axıdılan tullantı suları təkrar istifadə edilə bilər
06:05
Bu gün
143
Siyasət
A
Xəzərə axıdılan tullantı suları təkrar su ehtiyatı kimi istifadə edilə bilər.

"Ölkə.Az" bildirir ki, bunu trend-ə Ekologiya və Təbii Sərvətlər Nazirliyinin (ETSN) Dövlət Ekspertiza Agentliyinin İdarə Heyətinin sədri Mirsalam Qənbərov deyib.

Onun sözlərinə görə, bu sular həm yaşıllıqların suvarılması, həm də texnologiyaların işlədilməsi üçün istifadə edilə bilər.

ETSN-in artıq bu təcrübədən istifadə etdiyini açıqlayan nazirlik rəsmisi qeyd edib ki, Abşeron yarımadasının bəzi ərazilərində təsərrüfat mənşəli tullantı suları təmizlənərək yaşıllıqların suvarılmasında istifadə edilir.

Xəzərin hələ də müəyyən ekoloji problemlərlə üz-üzə olduğunu deyən M.Qənbərov bildirib ki, hazırda bu dənizi ən çox neft, yəni karbohidrogen hasilatında əmələ gələn lay sularının bir qismi, eyni zamanda təsərrüfat, məişət mənşəli tullantı suları ilə çirklənməyə məruz qalır: "İndi lay sularının həcmi müəyyən qədər azalıb. Amma dəniz suyu yenə də neft ləkələri ilə müşahidə edilir".

Agentlik sədri əlavə edib ki, bu gün Abşeron yarımadasının şimal, şimal-qərb hissəsində mərkəzləşdirilmiş kanalizasiya sistemi yoxdur. Bundan başqa, bu gün yağış sularının idarəolunması üçün Bakı buxtasına istiqamətlənmiş 19 km-lik məsafədə kanallarla hələ də təsərrüfat, məişət mənşəli tullantı suları axıdılır: "Bu gün Xəzər dənizi yalnız Xəzər sahilindəki obyektlərlə çirklənmir. Xəzər dənizinin Yalamadan Astaraya qədər olan hissəsində 130-dan çox su axarı var".

M.Qənbərov hesab edir ki, tullantı sularının Xəzərə axıdılmaması üçün yeni salınan, getdikcə genişlənən yaşayış sahələrində mərkəzləşdirilmiş kanalizasiya sistemləri olmalı, mövcud təmizləyici qurğuların şəbəkəsi genişləndirilməli, istehsal gücü artırılmalı, ehtiyac duyulan ərazilərdə yeni təmizləyici qurğular quraşdırılmalıdır. Bununla yanaşı, karbohidrogen istehsalında yaranan lay suları idarə edilməli, onlar axarlar vasitəsilə Xəzərə axıdılmamalıdır.

Agentlik sədri bunu da əlavə edib ki, Xəzərə tullantı axıdan fiziki və hüquqi şəxslərə qarşı inzibati qaydada cərimə tətbiq edilir. Xəzərin çirklənməsinə səbəb olan idarə və müəssisələrə dəfələrlə xəbərdarlıq edilib. Həmin qurumlara lazımi tədbirlərin görülməsi üçün vaxt da verilib.

ŞƏRH YAZ
0

Əfqanıstandakı sülhməramlılarımızın bir qrupu Azərbaycana qayıtdı

Əfqanıstandakı sülhməramlılarımızın bir qrupu Azərbaycana qayıtdı
05:11
Bu gün
191
Siyasət
A

NATO-nun Əfqanıstan İslam Respublikasında həyata keçirdiyi “Qətiyyətli dəstək” missiyasının tərkibində fəaliyyət göstərən Azərbaycan Ordusunun bir qrup sülhməramlısı plana uyğun olaraq rotasiya qaydasında Bakıya qayıdıb.

Bu barədə Müdafiə Nazirliyi məlumat yayıb.

ŞƏRH YAZ
0
BAĞLA