KORONAVİRUSA YOLUXANLARIN SAYI - CANLI STATİSTİKA

Avro-2020-nin tarixi dəyişdirilib

Avro-2020-nin tarixi dəyişdirilib
23:17
17.03.2020
1637
İdman
A
UEFA bu gün milli komandaların bu yay keçirilməli olan əsas turnirinin – Avro-2020-nin tarixinin dəyişdirilməsi – 2021-ci ilə keçirilməsi ilə əlaqədar qərar qəbul edib.

"Ölkə.Az" bildirir ki, report AFFA-ya istinadən xəbər verir ki, qərar qəbul olunarkən oyun iştirakçılarının sağlamlığının prioritet məsələ olması və çempionatın təşkil olunacağı ölkələrdə dövlət orqanlarının üzərinə hər hansı əlavə təzyiqin düşməməsi nəzərə alınıb. Avro-2020-nin tarixinin dəyişdirilməsi COVİD-19 virusu ilə əlaqədar məcburi fasilə yaranmış ölkədaxili çempionatların yekunlaşdırılmasına şərait yaradacaq.

UEFA-nın bütün klub və milli komandalar səviyyəsində həm kişilər, həm də qadınlar arasında oyunları (yoldaşlıq görüşləri daxil olmaqla) növbəti qərar qəbul olunana qədər təxirə salınıb. Avro-2020-yə vəsiqə uğrunda martın sonuna təyin olunmuş play-off oyunları mövcud situasiya dəyərləndirildikdən sonra bu ilin iyun ayındakı beynəlxalq oyun günlərində keçiriləcək.

Müvafiq qərarlar bu gün UEFA-nın prezidenti Aleksander Çeferin tərəfindən çağırılmış, UEFA-nın üzvü olan 55 milli assosiasiyanın nümayəndələrinin, Avropa Klublar Assosiasiyasının, FIFPro Avropanın təmsilçilərinin iştirakı ilə təşkil olunmuş videokonfransdan sonra UEFA İcraiyyə Komitəsi tərəfindən qəbul olunub.

Avro-2020 üçün yeni tarixlər 11 iyun – 11 iyul 2021-ci il təklif olunub. UEFA hazırda bilet sahibi olanlara və qonaqpərvərlik xidməti müştərilərinə 2021-ci ildə turnirin oyunlarını izləyə bilməyəcəkləri təqdirdə, biletlərin və qonaqpərvərlik xidməti paketlərinin nominal qiymətinin tam şəkildə ödəniləcəyinə zəmanət verir. Növbəti ay ərzində bu proses barədə elektron poçt və euro2020.com/tickets keçidi vasitəsilə əlavə məlumat veriləcək.

Klub və milli komandalar səviyyəsində kişilər və qadınlar arasında digər turnirlərin vaxtı elan olunacaq.

ŞƏRH YAZ
0

Dünya çempionu: “Şəhid olaq, təki torpağımız azad olsun” — VİDEO

Dünya çempionu: “Şəhid olaq, təki torpağımız azad olsun”
17:42
07.08.2020
634
İdman
A
Qaçqınların və Məcburi Köçkünlərin İşləri üzrə Dövlət Komitəsi “Öncə Vətən” adlı sosial layihəyə start verib.

"Ölkə.Az" xəbər verir ki, layihə çərçivəsində məcburi köçkün ziyalılar, ictimai fəallar, şəhid ailələrinin üzvləri, keçmiş döyüşçülər, batalyon komandirləri, ağsaqqallar və gənclərin iştirakı ilə 100-dən çox videoçarx hazırlanıb.

Ağdam rayonundan məcburi köçkün, peşəkar boks üzrə dünya çempionu Fariz Məmmədovla hazırlanmış videoçarxı təqdim edirik:

ŞƏRH YAZ
0

Qondarma rejimin bayrağını qaldıran erməni UFC-dən qovuldu və cərimələndi

Qondarma rejimin bayrağını qaldıran erməni UFC-dən qovuldu və cərimələndi
13:49
07.08.2020
368
İdman
A
UFC-də çıxış edən ABŞ ermənisi Edmen Şahbazyan avqustun 1-də Derek Bransonla döyüş öncəsi oktaqona qondarma Dağlıq Qarabağ ilə bayrağı çıxdığı üçün turnirdən qovulub.

"Ölkə.Az" xəbər verir ki, 22 yaşlı “Qızıl oğlan” ləqəbli idmançı “UFC Fight Night 173” döyüşündə uduzub. Amma onun qaldırdığı bayraq Azərbaycan tərəfinin qəzəbinə tuş gəlib.

Azərbaycan və Türkiyə səfirlikləri, Gənclər və İdman Nazirliyi tərəfindən UFC prezidenti Deyna Uayta göndərilən məktublara cavab olaraq idmançı həm turnirdən qovulub, həm də cərimələnib. Bunu onun məşqçisi Edmond Tarverdyan deyib:

“Mənə zəng gəldi və məlumatlandırıldım ki, Rusiyadakı Türkiyə səfirliyi və Türkiyə bayraqdan şikayət edib. Onlar deyib ki, ermənilər terrorçudur və oktaqona bu bayraqla çıxmaq hüquqları yoxdur. Həmçinin Türkiyə və Rusiyadakı Azərbaycan səfirliklərindən də şikayət olunub...

UFC-nin sponsoru olan “Reebok” tərəfindən bizə çatacaq məbləğdən cərimə kimi məhrum olunduq. Təəssüf ki, Azərbaycan və Türkiyə səfirlikləri məqsədlərinə çatdılar. Bizə görə əziyyət çəkən UFC heyətindən üzr istəyirəm...”

ŞƏRH YAZ
0
BAĞLA