KORONAVİRUSA YOLUXANLARIN SAYI - CANLI STATİSTİKA

“Avropa İttifaqı bu bəyanatla ölkəmizin ərazilərini işğal edən Ermənistanı ruhlandırır” — Politoloq

“Avropa İttifaqı bu bəyanatla ölkəmizin ərazilərini işğal edən Ermənistanı ruhlandırır”
21:30
20.10.2019
57791
Analitika
A
“Avropa İttifaqı hansısa tövsiyyələri verə bilər, amma Azərbaycanın daxili işlərinə bu qədər qərəzli və təhdidedici formada qarışa bilməz”.

Bu sözləri politoloq Qabil Hüseynli “Ölkə.Az”a verdiyi açıqlamada bildirib. Onun sözlərinə görə, Avropa İttifaqı ilə Azərbaycan normal münasibətlər qurmağa çalışır. Bu istiqamətdə də əlindən gələni əsirgəmir.

“Xüsusilə son dövrlərdə ikili əməkdaşlıq haqqında sazişin imzalanmasına doğru qətiyyətli addımların atıldığı bir vaxtda icazəsiz mitinqlər keçirildi. Təbii ki, bu mitinqlərdə polis müəyyən məsələlərdə insanların kortəbii hərəkətini cilovlamaq üçün öz funksional vəzifələrini yerinə yetirdi. Bu zaman müəyyən insanlar həbs edildi, müəyyən insanlar xəsarət aldı. Avropa İttifaqı da sanki bundan qəzəblənərək sərbəst toplaşma azadlığının pozulması ilə bağlı fikirlər səsləndirməyə başladı. Zənnimcə Çünki Azərbaycan suveren respublikadır, özləri də dəfələrlə qeyd ediblər ki, ölkəmiz uğurlu inkişaf xəttini seçib və regionun sabit inkişaf edən lider dövlətidir”.

Politoloq qeyd edib ki, Avropanın göbəyində baş verən polis özbaşınalığına heç bir reaksiya verilmir: “Bir neçə gün öncə Barselonadakı mitinqlər zamanı polis rezin güllələrdən istifadə etdi və bir neçə nəfər ağır xəsarətlər aldı. Bu məsələlərə reaksiya verməyən Avropanın birdən-birə Azərbaycana qarşı bu cür sərt formada bəyanat yayması bu qurumla Azərbaycan arasında inkişaf edən münasibətlərə xeyir gətirmir, zərə verir. Onlar Azərbaycanda demokratiyanın və insan haqlarının inkişafı ilə bağlı məsələlərdə yardım etmək əvəzinə Azərbaycanı qəzəbləndirən qərəzli mövqe sərgiləməklə qərbyönümlü siyasətini bir növ ləngidirlər”.

Qabil Hüseynli xüsusi olaraq vurğulayıb ki, bunlar qərəzli yanaşmalardır, taktiki, ümumi işin xeyrinə olan yanaşmalar deyil. 

“Onlar sərbəst toplaşmaq azadlığı haqqında məsələləri Azərbaycanın hakimiyyət orqanları ilə müzakirə də edə bilərdilər, öz nümayəndələrini göndərib müzakirələr də apara bilərdilər. Amma Azərbaycanın imicinə xələl gətirən bəyanatlarla ölkəmizin ərazilərini işğal edən Ermənistanı ruhlandırırlar, azərbaycanı sevməyən müəyyən qrupları həvəsləndirirlər”.

Ölkə.Az

ŞƏRH YAZ
0

İcra başçısının maşını "protiv" getdi: Yol polisi görüb "çest" verdi — VİDEO

İcra başçısının maşını
18:36
02.04.2020
6499
Analitika
A
Abşeron Rayon İcra Hakimiyyəti başçısının xidməti avtomobili ilə törədilən qayda pozuntusu kameraya düşüb.

"Ölkə.Az" xəbər verir ki, görüntüləri oxuculardan biri avtosfer.az-ın redaksiyasının elektron ünvanına göndərib. 

Aprelin 1-i Masazır qəsəbəsi Əliağa Vahid küçəsində hərəkət edən 01-AA-001 qeydiyyat nişanlı "Lexus" markalı avtomobilin sürücüsü ayırıcı zolağın sol tərəfi ilə tam olaraq əks istiqamətdə hərəkət edib. Sürücü əks istiqamətdə hərəkət etdikdən sonra qarşıdakı svetoforun qırmızı işığından sağa dönərək yoluna davam edib. Bu zaman həmin ərazidə xidmət aparan polis əməkdaşları qayda pozan sürücüyə hərbi salam verib.

Qeyd edək ki, bu avtomobil icra başçısı İradə Gülməmmədovaya aiddir.

ŞƏRH YAZ
0

5-ci nəsil döyüş təyyarələri Azərbaycan HHQ-nin Ermənistan üzərində üstünlüyünü artıracaq

5-ci nəsil döyüş təyyarələri Azərbaycan HHQ-nin Ermənistan üzərində üstünlüyünü artıracaq
05:09
28.02.2020
4512
Analitika
A
Azərbaycan Hərbi Hava Qüvvələrinin arsenalının 5-ci nəsil döyüş təyyarələri ilə gücləndirilməsi istiqamətində müvafiq tədbirlər həyata keçirilir.

Bunu İtaliya Respublikasından "M-346" tipli təlim-məşq təyyarələrinin alınmasını Trend-ə şərh edərkən Hərbi Hava Qüvvələrinin (HHQ) polkovniki Namiq İslamzadə qeyd edib.

O bildirib ki, Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin İtaliya Respublikasına dövlət səfəri zamanı Azərbaycan ilə İtaliya arasında bir sıra mühüm sənədlər imzalanıb: "İmzalanan sənədlər arasında Azərbaycanın Müdafiə naziri general-polkovnik Zakir Həsənov və İtaliyanın “Leonardo S.p.A” şirkətinin icraçı direktoru Alessandro Profumo tərəfindən imzalanan “Azərbaycan Respublikasının Müdafiə Nazirliyi ilə "Leonardo S.p.A" arasında "M-346" təyyarələri inteqrasiya sisteminin alınması ilə bağlı Sazişə dair Bəyannamə”ni xüsusi qeyd etmək olar. Artıq bir neçə ildir ki, Azərbaycan HHQ-də genişmiqyaslı islahatlar aparılır. Xüsusilə də, aviabazaların modernləşdirilməsi, şəxsi heyətin sosial-məişət şəraitinin yaxşılaşdırılması istiqamətində önəmli addımlar atılır. Hazırda Azərbaycan HHQ-nin sərəncamında olan aviasiya vasitələrinin böyük bir hissəsi müasir standartlara cavab verir".

HHQ zabiti bildirib ki, son illərdə Azərbaycan HHQ üçün əldə edilən təlim təyyarələri barədə aparılan müzakirələrdə üstünlük əsasən İtaliya və Pakistan istehsalı olan aviasiya vasitələrinə verilib:

"Bu baxımdan 2017-ci ilin iyul ayında Azərbaycan Hərbi Hava Qüvvələri ilə Pakistanın PAC KAMRA şirkəti arasında imzalanan müqaviləyə əsasən 10 ədəd MFİ-395 “Super Muşşak” təyyarəsinin əldə edilməsini və həmin ilin mayın 10-da Azərbaycan HHQ-nin aviabazalarından birində Müdafiə naziri general-polkovnik Zakir Həsənovun iştirakı ilə İtaliya Respublikasının “Leonardo Aircraft” şirkətinin istehsalı olan yeni nəsil reaktiv “M-346” tipli təyyarənin təqdimatının keçirilməsini xüsusilə vurğulamaq olar".

Mütəxəssis qeyd edib ki, "M-346" tipli təyyarələrin əldə edilməsi gənc hərbi pilotların peşakarlığının artırılması və döyüş vərdişlərinin təkmilləşdirilməsində mühüm rol oynayacaq:

"Eyni zamanda "M-346" təyyarəsi 4++ və 5-ci nəsil müasir çoxməqsədli təyyarələr üçün keçid təyyarəsi kimi istifadə olunur. Azərbaycan HHQ-nin silahlanmasına bu tip aviasiya vasitələrinin daxil edilməsi onun döyüş imkanlarını genişləndirməklə yanaşı Ermənistan üzərində hava məkanındakı üstünlüyünü daha da artıracaq.

Sonda xüsusilə vurğulamaq istərdim ki, Azərbaycan HHQ-nin arsenalının 5-ci nəsil döyüş təyyarələri ilə gücləndirilməsi istiqamətində müvafiq tədbirlər həyata keçirilir və bu istiqamətdə işlər bundan sonra da davam etdiriləcək".

ŞƏRH YAZ
0
BAĞLA