KORONAVİRUSA YOLUXANLARIN SAYI - CANLI STATİSTİKA

Avtomobilimizi soyuq havalara necə hazırlayaq?

Avtomobilimizi soyuq havalara necə hazırlayaq?
10:33
08.09.2019
1822
Maraqlı
A
Kəskin istilərdən sonra avtomobillərin payız-qış mövsümünə hazırlığı vacibdir. Bir çox sürücülər buna əhəmiyyət verməsələr də, havalar soyuyanda sürücülərin bir sıra problemlərlə qarşılaşması qaçılmaz olur. Bəs avtomobilini payız-qış aylarına hazırlamaq nə deməkdir və nələrə diqqət yetirmək lazımdır?

"Ölkə.Az" bildirir ki, məsələ ilə bağlı oxu.az-ın əməkdaşı avtomobil ustası Cavid Əliyevlə danışıb. 

Ustanın sözlərinə görə, qarlı və yağışlı havalarda avtomobildə nasazlığın yaranmasının qarşısını almaq üçün ilk növbədə avtomobilin şassisində "şarovoy"lar yoxlanılmalıdır:

"Bundan başqa, mühərrik üçün nəzərdə tutulan yağların dəyişdirilməsi çox vacibdir. Ümumiyyətlə, avtomobillər hər 15 min kilometrdən bir texniki yoxlanışdan keçməlidir. Həmçinin, avtomobillərdə istifadə edilən antifrizin də dəyişdirilməsi məsləhət görülür. Bu, soyuq havalarda mühərrikin donmasının qarşısını alır". 

C.Əliyev bildirib ki, yay aylarında avtomobildəki kanalizasiya boruları tutulur və bunlar təmizlənməlidir. 

"Payız-qış aylarında avtomobilin təkərlərinin də yaxşı vəziyyətdə olması əsas amildir. Elə təkərlər var ki, dörd mövsüm üçün nəzərdə tutulub, elələri də var, ya qış, ya da yay üçündür. Əgər təkərlərin havaları düz vurulsa, bu, benzin sərfiyyatına təsir edəcək. Misal üçün, yay aylarında sedan tipli avtomobillərdə təkərlərdə 1,2-2 atmosfer hava olursa, qışda bu rəqəm 2,1-2,2 olmalıdır".

Bununla yanaşı, usta qeyd edib ki, avtomobildə olan rezin detalların dəyişdirilməsi də mütləqdir:

"İsti havalarda rezinlər quruyur və soyuqlar olduqda bu, özünü daha çox büruzə verir, avtomobillərdən müxtəlif xoşagəlməz səslər gəlir".

Usta əlavə edib ki, bu kimi məsələlərə əməl edilmədiyinə görə yağışlar yağan kimi sexin qarşısı nasaz avtomobillərlə dolu olur:

"Kimsə avtomobilin mühərrikinin qaynatdığını deyir, kimsə də avtomobildən gələn müxtəlif səslərdən və digər məsələlərdən şikayət edir. Vaxtında texniki yoxlanışdan keçib problemləri həll etsələr, soyuq havalarda əziyyət çəkməzlər".

Ölkə.Az

ŞƏRH YAZ
0

Venerada həyat axtaracaqlar

Venerada həyat axtaracaqlar
09:42
Bu gün
498
Maraqlı
A
NASA həyat axtarışı üçün 2021-ci ilin aprelinə qədər Veneraya bir və ya iki elmi missiya göndərilməsi məsələsinə baxır.

Bu barədə “Reuters” məlumat yayır.

Bundan əvvəl Veneranın atmosferində həm sənaye, həm də bioloji mənşəli ola bilən rəngsiz zəhərli qaz - fosfinin kəşf edildiyi barədə məlumatlar yayılmışdı.

Missiyanın biri olan DAVINCI+ Veneranın atmosfer səthinə 63 dəqiqəlik enmə zamanı kimyəvi tərkibini araşdıracaq bir cihazdan ibarətdir. Planetoloq alimlər ümid edirlər ki, bu zond atmosferin səth süxurları ilə necə qarşılıqlı əlaqədə olduğunu müəyyənləşdirməyə kömək edəcək və hazırda Venerada vulkanların olub-olmadığı sualına cavab verəcək.

İkinci Venera missiyası VERITAS 1990-cı illərin əvvəllərində Veneranı tədqiq edən Magellan zondunun varisi olacaq. O, daha güclü radarlardan və elmi cihazlardan istifadə edərək oxşar xəritələşdirmə işləri aparacaq. (oxu.az)

ŞƏRH YAZ
0

Mixəyin MÖCÜZƏVİ FAYDASI: hər gün mixək çeynəsəniz NƏ BAŞ VERƏR? — Mütləq OXUYUN!

Mixəyin MÖCÜZƏVİ FAYDASI: hər gün mixək çeynəsəniz NƏ BAŞ VERƏR?
00:58
Bu gün
862
Maraqlı
A
Mixəyin sonsuz faydalarına dair Çin təbabətində geniş məlumat var. Çinlilər bu möcüzəvi ədviyyatı süfrələrindən əskik etmirlər. Mixək öz unikal xüsusiyyətləri sayəsində bir çox xəstəliklərin dərmanı sayıla bilər. Onun tərkibində A, B, C, E vitaminlər qrupu, efir yağları, yağ turşuları, eləcə də müxtəlif minerallar var. Mixək xroniki anginanın birinci düşmənidir. Hər gün bir neçə mixək çeynəmək faringiti tədricən müalicə edib, sağaldır! Mixəyin insan vücuduna xeyiri saymaqla bitmir.

"Ölkə.Az" bu şəfalı ədviyyatın faydalarından bəhs edən yazını təqdim edir:

Parazitləri məhv etmək üçün
Orqanizmdəki qurdları məhv etmək üçün yeməkdən yarım saat öncə mixək çeynəmək kifayətdir. Bu proseduru gün ərzində 2 dəfə təkrarlayın, müsbət nəticəni özünüz görəcəksiniz. Bədəndəki parazitlər tez bir zamanda tökülüb, məhv olacaq. Mixəklə qurdların təmizlənməsi profilaktik tədbir kimi də çox əlverişlidir. Bir mixək çöpü 20% efir yağlarından ibarətdir. Bu yağlar ətirli maddələrlə zəngindir. Məhz bu özəlliyinə görə o parazitlərlə yanaşı difteriya, vərəm və s. çöplərlə mübarizə aparır.

Ağız boşluğunun müalicəsi üçün
Elə bugündən etibarən saqqızı mixəklə əvəz edin. Hər gün bir neçə mixək çubuğu çeynəsəniz stomatit, parodontoz, damaqların iltihabı və digər ağız boşluğu xəstəliklərindən qurtulacaqsınız. Bu təbii vasitə bahalı dərmanlardan həm daha faydalı, həm də ucuzdur. Mixək angina və bir sıra digər boğaz xəstəliklərində çox effektiv vasitədir.

Həzm sistemini yaxşılaşdırmaq
Mixək həzm sistemini tənzimləyir, maddələr mübadiləsini yaşılaşdırır. Yeməkdən 15 dəqiqə öncə 1 çay qaşığı bal ilə iki mixək çubuğunu qarşıdırıb, çeynəyin. Mədə xorası və yüksək qan təzyiqiniz varsa, bu üsulu sınaqdan keçirməyin.
Mixək arıqlayanlar üçün də çox əlverişli vasitədir. O həmçinin qastrit, turşuların çatışmazlığı və digər xəstəlikləri sağaldır.

Xərçəngin profilkatikası
Mixəyin tərkibindəki yevgenol maddəsi xərçəng hüceyrələrinin ölçüsünü kiçildir, yenilərinin yaranmasının qarşısını alır. Mütəxəssislərin araşdırması göstərir ki, xərçəngdən doğmalarını itirən insanlar bu üsulu təcrübədən keçirməlidirlər. Bu, həm onların immunitetini gücləndirir, həm də xərçəng hüceyrələrinin yaranmasına mane olur.

Təzyiqi yüksəltmək üçün
Təzyiqinizin düşdüyünü hiss edirsinizsə, dərman qəbul etməyə tələsməyin. Bir neçə mixək çubuğu çeynəyib gözləyin. Həm təzyiqiniz stabilləşəcək, həm də özünüzü kimyəvi tərkibli dərmanlardan qorumuş olacaqsınız.
Ümumiyyətlə, təzyiq problemi olmayan şəxslər də günaşırı mixəkli qəhvə içə bilərlər.

Əsəbləri sakitləşdirmək
Mixək təbii antidepressant sayıla bilər. Hər gecə yatmazdan əvvəl 1 mixək çubuğu çeynəmək, insanı sakitləşdirir, yuxunu normaya salır.
Mixəyin keyfiyyətli olub-olmadığını yoxlamaq üçün önu su ilə dolu stəkana atın, əgər çubuq suyun dibinə çökürsə demək ki, onun tərkibində bütün vitaminlər və yağlar olduğu kimi qalıb. Yox, əgər çubuq üfüqi şəkildə üzürsə, demək ki, onu istifadə etməyə dəyməz.

ŞƏRH YAZ
0
BAĞLA
X Mostbet