\"Azdrama\" sözçüsü Rafael Dadaşovun ölüm SƏBƏBİNDƏN DANIŞDI
Akademik Milli Dram Teatrının mətbuat katibi Cavid Zeynallı Xalq artisti Rafael Dadaşovun ölümündən danışıb.
Teatr sözçüsü "Ölkə.Az"-ın əməkdaşıyla söhbətində bildirib ki, sənətkar son zamanlar bir neçə xəstəlikdən əziyyət çəkirmiş:
“Xəbəri eşidəndə çox sarsıldıq. Bu Azərbaycan incəsənəti və teatrı üçün çox ağır itkidir. Rafael Dadaşov son zamanlar səhhəti ilə bağlı problemlər yaşayırdı. Bir –neçə xəstəlikdən əziyyət çəkirdi. Ürəyi xəstə idi, yüksək qan təzyiqi və şəkəri vardı”.
O, Xalq artistinin dəfn və vida mərasiminin dəqiq vaxtı və yerinin bilinmədiyini deyib.
“Hələ ki, bu barədə heç bir məlumatımız yoxdur. Yəqin ki, yaxın dəqiqələrdə bu məlumatlar mediaya ötürüləcək”,- deyə o qeyd edib.
Qeyd edək ki, R. Dadaşov bir neçə saat öncə vəfat edib.
Ölkə.Az
