KORONAVİRUSA YOLUXANLARIN SAYI - CANLI STATİSTİKA

Azərbaycan çempionu karantinə alındı

Azərbaycan çempionu karantinə alındı
23:03
25.03.2020
1821
İdman
A
“Mən Çinə təhlükəsiz şəkildə gəldim və indi 14 günlük karantindəyəm”.

"Ölkə.Az" xəbər verir ki, bunu “Qarabağ”ın sabiq futbolçusu Dino Ndlovu deyib.

Cənubi Afrika Respublikasından olan hücumçu cümə günü Yohannesburq şəhərindən oynadığı Çinə gedib. Orada Şençen şəhərindən komandasının məskunlaşdığı Xançouya uçub.

İdmançı xaricdən gəldiyi üçün Çində karantinə alınıb. 30 yaşlı futbolçu səfəri barədə bunları deyib:

“Səfərim qaydasında keçdi, amma bir az qorxmuşdum. Çünki mən Şençen şəhərinə gələndə testdən keçməli olduğum üçün ilk uçuşum ləğv edilmişdi.

Hava limanında bir anketi doldurmalı və suallara cavab verməli idim. Aeroportda hamı maska taxmışdı və adamların çoxu əlcək geyinmişdi. Fikrimcə, Çində bu virusa və onun qarşısını almağa dair hər şeyi öyrəniblər.

Aprelin 3-də evimdən çıxıb komandamla birgə məşqlərə başlayacağam”.

Qeyd edək ki, Dino Ndlovu 2016-2017-ci illərdə “Qarabağ”da çıxış edib. O, bu klubla Azərbaycan çempionu olub və ölkə kubokunu qazanıb. Azərbaycanda 53 oyuna 21 qol vurmuş Ndlovu ilk və hələ ki son dəfə çıxış etdiyi Çempionlar Liqasının qrup mərhələsində Ağdam komandasına kömək edib.

ŞƏRH YAZ
0

“Qarabağ” qarşılaşmanın aşkar favoritidir" — “Sileks”in baş məşqçisi

“Qarabağ” qarşılaşmanın aşkar favoritidir
05:11
10.08.2020
382
İdman
A
“Bizim I təsnifat mərhələsində qarşılaşa biləcəyimiz bütün rəqiblər möhtəşəm komandalardır. Onlarım hamısının büdcəsi 20 milyon avrodan yüksəkdir”.

"Ölkə.Az" apasport.az-a istinadən xəbər verir ki, bunu Şimali Makedoniyanın “Sileks” klubunun baş məşqçisi Qoran Simov deyib.

Çempionlar Liqasının I təsnifat mərhələsinin püşkünə münasibət bildirən mütəxəssis Azərbaycan təmsilçisi “Qarabağ”ı cütün aşkar favoriti sayır: “Qarabağ” qarşılaşmanın aşkar favoritidir. Biz daha uzun müddət avrokubok həyəcanı yaşamağı xəyal edirik. “Qarabağ” ardıcıl 7 ildir Azərbaycan çempionu olan əla komandadır. Onlar hər il avrokubokların qrupunda oynayır. Əvvəllər də göstərdiyimiz kimi asanlıqla təslim olmayacağıq. Mümkün olan hər şeyi edəcəyik. Ümid sonda ölür”.

Qeyd edək ki, “Qarabağ” – “Sileks” matçı avqustun 18-19-da Bakıda keçiriləcək.

ŞƏRH YAZ
0

Həbib Nurməhəmmədov növbəti döyüşə hazırlaşır — FOTO

Həbib Nurməhəmmədov növbəti döyüşə hazırlaşır
01:55
10.08.2020
540
İdman
A
Rusiyalı UFC döyüşçüsü Həbib Nurməhəmmədov amerikalı Castin Qetji ilə döyüşə hazırlıqları davam etdirir.

"Ölkə.Az" xəbər verir ki, bu barədə idmançı öz “Instagram” hesabı vasitəsilə məlumat yayıb.

Son məşqindən özü və əmisi oğlu Abubakarın yorğun haldakı şəklini paylaşan Həbib fotoya qeyd əlavə edib:

“Hər şey plan üzrə gedir. 11 həftə qaldı. UFC 254-də görüşənədək”.

Qeyd edək ki, Həbib Nurməhəmmədov növbəti döyüşünü UFC 254 turnirində keçirəcək. O, amerikalı Castin Qetji ilə qarşılaşacaq.

ŞƏRH YAZ
0
BAĞLA