Azərbaycan ən çox İtaliyaya məhsul göndərib
Yanvar-aprel aylarında Azərbaycan Avropa İttifaqı (Aİ) ölkələri arasında ən çox İtaliyaya məhsul ixrac edib.
Dövlət Gömrük Komitəsindən "Ölkə.Az"a verilən məlumata görə, Azərbaycanın 4 ayda ən çox məhsul ixrac etdiyi Aİ-yə üzv ölkələr İtaliya, Yunanıstan və Xorvatiya olub. İtaliyaya ixrac olunan məhsulların dəyəri 2 milyard 405,6 milyon ABŞ dolları, Yunanıstana 228,1 milyon dollar, Xorvatiyaya isə 190,6 milyon dollar olub.
