KORONAVİRUSA YOLUXANLARIN SAYI - CANLI STATİSTİKA

Azərbaycan-Litva Hökumətlərarası Komissiyanın iclası keçirildi — FOTO

Azərbaycan-Litva Hökumətlərarası Komissiyanın iclası keçirildi
15:16
11.07.2020
7912
Ölkə
A
İyulun 10-da Azərbaycan Respublikası Hökuməti və Litva Respublikası Hökuməti arasında İkitərəfli Əməkdaşlıq üzrə Hökumətlərarası Komissiyasının videokonfrans formatında 6-cı iclası keçirilib.

"Ölkə.Az" xəbər verir ki, bununla bağlı İqtisadiyyat Nazirliyi məlumat yayıb. 

Məlumata görə, hər iki tərəfdən müvafiq dövlət qurumlarının nümayəndələrinin iştirak etdiyi iclasda Hökumətlərarası Komissiyanın həmsədri, İqtisadiyyat naziri Mikayıl Cabbarov Azərbaycanın Litva ilə dostluq və tərəfdaşlıq əlaqələrini yüksək qiymətləndirdiyini qeyd edib, dövlət başçılarının siyasi iradəsinin, ölkələrimizin malik olduğu böyük iqtisadi potensialın əməkdaşlığın uğurlu inkişafı üçün əlverişli şərait yaratdığını vurğulayıb. İqtisadi-ticarət əməkdaşlığının genişləndirilməsinin Azərbaycan Prezidenti İlham Əliyev və Litva Prezidenti Qitanas Nauseda arasında bu ilin aprelində videokonfrans formatında keçirilmiş görüşdə geniş müzakirə edildiyi diqqətə çatdırılıb.

Qeyd edilib ki, Hökumətlərarası Komissiya ikitərəfli iqtisadi-ticarət əlaqələrinin dərinləşməsinə töhfə verir, müxtəlif sferalarda layihələrin həyata keçirilməsinə dəstək göstərilir. Bildirilib ki, indiyədək Azərbaycanla Litva arasında müxtəlif sahələrdə 40-a yaxın, o cümlədən investisiyaların qarşılıqlı qorunması və təşviqi, ikiqat vergitutmanın aradan qaldırılması barədə sənədlər imzalanıb. Ölkəmiz Litva ilə iqtisadi əlaqələrin genişləndirilməsində maraqlıdır. Bu ilin ilk beş ayında iki ölkə arasında ticarət dövriyyəsi ötən ilin müvafiq dövrü ilə müqayisədə 42 faiz artıb. İnvestisiya, ticarət, kənd təsərrüfatı, energetika, informasiya texnologiyaları, turizm, mədəniyyət və s. sahələrdə qarşılıqlı faydalı əlaqələr qurulub.

Azərbaycanın tikinti, ticarət, xidmətlər, bank işi və sığorta sahələrində Litva kapitallı 17 şirkət fəaliyyət göstərir.

İqtisadiyyat naziri Azərbaycan-Avropa İttifaqı əməkdaşlığının, xüsusilə Şərq Tərəfdaşlığı Proqramı çərçivəsində əlaqələrin genişləndirilməsində Litvanın dəstəyini vurğulayıb. Qeyd edib ki, Azərbaycan Avropa İttifaqı ilə 2013-cü ildə imzalanmış mobillik sahəsində tərəfdaşlıq haqqında Bəyannamə çərçivəsində reallaşdırılan layihə və təşəbbüslərdə Litva qurumlarının texniki və konsultativ dəstəyini yüksək qiymətləndirir.

COVID-19 pandemiyasının neqativ təsirlərindən danışan Mikayıl Cabbarov bu təsirlərin Azərbaycan iqtisadiyyatından da yan keçmədiyini bildirib və qısa müddətdə hazırlanmış Tədbirlər Planına uyğun olaraq, sosial-iqtisadi dəstək tədbirləri, sahibkarlığın inkişafı və tətbiq edilən yeni mexanizmlər, Elektron Kredit Platforması, vergi güzəşt və tətilləri, investisiya cəlbediciliyinin artırılması istiqamətində görülən işlər barədə məlumat verib, cari ilin əvvəlində Dünya İqtisadi Forumunun Dördüncü Sənaye İnqilabı Mərkəzinin filialının Azərbaycanda yaradılması barədə qərar qəbul edildiyini, Mərkəzin fəaliyyətindən digər ölkələrin də faydalana bilməsi üçün zəruri tədbirlərin görüləcəyini diqqətə çatdırıb.

İqtisadiyyat naziri Azərbaycanın əlverişli biznes və investisiya mühiti, sənaye, tranzit-logistika, kiçik və orta sahibkarlıq, innovasiya və rəqəmsallaşdırma, kənd təsərrüfatı, turizm və s. sahələrdə potensialını, Litva ilə bu istiqamətlər üzrə əməkdaşlığın inkişaf etdirilməsi imkanlarını vurğulayıb.

Hökumətlərarası Komissiyanın həmsədri, Litvanın Xarici İşlər naziri Linas Linkyaviçyus ölkəsinin Azərbaycanla əməkdaşlığa önəm verdiyini, bu ilin noyabrında ölkələrimiz arasında diplomatık münasibətlərin yaranmasının 25 ilinin tamam olacağını vurğulayıb, qarşılıqlı iqtisadi əlaqələrin genişləndirilməsi imkanlarını qeyd edib. Litvalı nazir ölkəsinin pandemiyanın mənfi təsirlərinin aradan qaldırılması istiqamətində həyata keçirdiyi tədbirlər barədə də məlumat verib.

Onlayn iclasda iqtisadi-ticarət əməkdaşlığının genişləndirilməsi istiqamətləri müzakirə edilib. Müzakirələrdə hər iki tərəfdən Hökumətlərarası Komissiyanın üzvləri ticarət, kənd təsərrüfatı və ərzaq təhlükəsizliyi, energetika, nəqliyyat, innovasiya və informasiya texnologiyaları, ətraf mühitin mühafizəsi, mədəniyyət və s. sahələrdə əlaqələrin inkişafı imkanlarına dair fikirlərini bildiriblər.

İclasın sonunda Azərbaycan Respublikası Hökuməti və Litva Respublikası Hökuməti arasında İkitərəfli Əməkdaşlıq üzrə Hökumətlərarası Komissiyasının 6-cı iclasının yekunlarına dair Protokol imzalanıb. Sənədi Hökumətlərarası Komissiyanın həmsədrləri - Azərbaycanın İqtisadiyyat naziri Mikayıl Cabbarov və Litvanın Xarici İşlər naziri Linas Linkyaviçyus imzalayıblar. Sənəddə ticarət, investisiya, sənaye, energetika, kənd təsərrüfatı, qida təhlükəsizliyi, ətraf mühit, nəqliyyat, İKT, innovasiya, turizm, təhsil və elm, mədəniyyət və s. sahələrdə əməkdaşlığın genişləndirilməsi nəzərdə tutulur.

ŞƏRH YAZ
0

Azərbaycanda yol tikintisi 20 əsrlik abidələri üzə çıxardı — VİDEO

Azərbaycanda yol tikintisi 20 əsrlik abidələri üzə çıxardı
02:51
Bu gün
172
Ölkə
A
Prezident İlham Əliyevin 31 iyul 2020-ci il tarixli sərəncamına əsasən, İsmayıllı rayonu ərazisində avtomobil yolunun tikintisinə başlanılıb.

Baku TV xəbər verir ki, yolun Kürdüvan kəndindən keçən hissəsində görülən işlər zamanı böyük daş parçaları ağır texinkanın hərəkətinə mane olub.

Ortaya çıxan tikili isə hər kəsin marağına səbəb olub. Kərpic tikililər və hörgülər tapılan tarixi abidənin əsasını təşkil edir.

Kənd sakini Əlikram İsmayılov Rayon İcra Hakimiyyətinin başçısı və Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin İsmayıllı rayonu üzrə nümayəndələrinə məlumat verib. Aidiyyəti qurum üzvləri əraziyə və tarixi tapıntılara baxış keçirib.

Əraziyə ilkin baxış zamanı antik dövrə aid xeyli sayda dulusçuluq qabları və bəzək əşyaları tapılıb. Aşkarlanan maddi mədəniyyət nümunələrindən birinin üzərində ərəbcə yazıların olduğu bildirilib.

Bundan əlavə, eramızın I-III əsrlərinə aid dolça, su qabları, boşqablar və bir neçə lampa, xeyli sayda bəzək nümunələri aşkarlanıb. Eyni zamanda, ərazidən Elxanilər dövrünə aid müxtəlif pul vahidləri də tapılıb.

Rayon İcra Hakimiyyətinin başçısı əraziyə baxış keçirib, tarixi tapıntılarla yeridəcə tanış olub.

Kürdüvanın da daxil olduğu Basqal inzibati ərazi dairəsində yeddi məscidin olduğu bildirilir. Yerli sakinlərin sözlərinə görə, onlardan biri əvvəllər məhz bu ərazidə yerləşib.

Artıq nadir tapıntıların aşkarlandığı yerdə tikinti işləri dayandırılıb, oraya aparan yollar xüsusi lentlə bağlanıb. Polis əməkdaşları tərəfindən ərazinin mühafizəsi təmin edilib.

ŞƏRH YAZ
0

18 yaşlı gənc Tibb Universitetindən imtina edib, arzularının dalınca getdi — VİDEO

18 yaşlı gənc Tibb Universitetindən imtina edib, arzularının dalınca getdi
01:22
Bu gün
218
Ölkə
A
Ötən il valideynlərinin arzusu ilə 652 balla Tibb Universitetinin “Müalicə işi” fakültəsinə daxil olan 18 yaşlı Lənkəran şəhər sakini Mirənvər İsmayılov seçiminin ürəyincə olmadığını görüb.

Baku TV xəbər verir ki, bir neçə ay Tibb Univeristetinin auditoriyasında oturan gənc anidən ürəyinin səsinə qulaq asaraq, ərizə yazıb, ali məktəbdən imtina edir. 

Yenidən qəbul imtahanlarına hazırlaşmağa başlayır. Beləliklə, gənc 11-ci siniflər üçün keçirilən qəbul imtahanının birinci mərhələsində maksimum nəticə olan 300 bal toplayıb. 

O, nəinki oxuduğu məktəbin, eləcə də, respublikanın maksimum nəticə göstərən abituriyenti olub. 

Onun hədəfi isə Bakı Ali Neft Məktəbinin “İnformasiya təhlükəsizliyi” ixtisasına qəbul olmaqdır. 

Qeyd edək ki, Mirənvər İsmayılov ötən il ABŞ universitetlərinə keçirilən qəbul imtahanlarında da yüksək nəticə göstərib. Azərbaycan Tibb Univeristetinə daxil olduğu üçün orada ixtisas seçimində iştirakdan imtina edib.

ŞƏRH YAZ
0
BAĞLA