KORONAVİRUSA YOLUXANLARIN SAYI - CANLI STATİSTİKA

Azərbaycan 3 ölkəyə faraş kartof ixracına başladı

Azərbaycan 3 ölkəyə faraş kartof ixracına başladı
23:00
13.05.2020
2487
İqtisadiyyat
A
Azərbaycan xarici ölkələrə faraş kartof ixracına başlayıb.

"Ölkə.Az" xəbər verir ki, bu barədə Trend-ə açıqlamasında Kənd Təsərrüfatı Nazirliyinin İctimaiyyətlə əlaqələr şöbəsinin müdiri Vüqar Hüseynov deyib.

O bildirib ki, hazırda Cəlilabad və Şəmkir rayonlarında faraş kartof yığımına başlanılıb:

"Faraş kartof yığımı yüksək səviyyədə davam edir. Hazırda faraş məhsulu daxili bazarla yanaşı xaricə də ixrac olunur. Azərbaycan fermerləri əsasən Ukrayna, Rusiya və Belarusa faraş kartof ixrac edir. Sahibkarların mallarını ixrac etməsi üçün bütün şərait yaradılıb. Ölkədə karantin rejiminin elan olunmasına baxmayaraq, fermerlərin mal ixrac etməsinə heç bir maneəçilik törədilmir. Artıq 10 gündür ki, Azərbaycan xaricə faraş kartof ixracını davam etdirir".

V.Hüseynov bildirib ki, bu il faraş kartof istehsalı boldur:

"Məhsul bol olduğu üçün fermerlər ixracla yanaşı məhsullarını daxili bazarlara da göndərirlər. Məsələn, hazırda Şəmkir rayonunda faraş kartofu pərakəndə satışda 1 kiloqramı 60 qəpikdir. Həmin məhsulun Bakıda qiyməti isə 70, 80, 90 qəpik arasında dəyişir. Hazırda yığım davam edir. Faraş kartof yığımı mayın sonuna qədər başa çatmalıdır".

Ölkə.Az

ŞƏRH YAZ
0

Maliyyə naziri dövlət büdcəsindən danışdı

Maliyyə naziri dövlət büdcəsindən danışdı
11:36
Bu gün
257
İqtisadiyyat
A
Milli Məclisin növbədənkənar sessiyasının ilk plenar iclasında “Azərbaycan Respublikasının 2020-ci il dövlət büdcəsi haqqında” qanun layihəsinin müzakirəsi davam edir.

"Ölkə.Az" xəbər verir ki, qanun layihəsi haqqında Maliyyə naziri Samir Şərifov çıxış edib.

O, büdcə layihəsinə təklif edilən dəyişikliklər və azalmaların həcmi barədə geniş məlumat verib:

“Koronavirus pandemiyası ilə bağlı dünyada baş verən proseslər Azərbaycan iqtisadiyyatına təsirsiz ötüşməyib. Cari ilin mart ayından başlayaraq COVİD-19 infeksiyasının yayılmasının qarşısının alınması məqsədilə tətbiq edilən xüsusi karantin rejimi və sosial təcrid tədbirləri ölkədə işgüzar fəallığın və artım sürətinin zəifləməsinə səbəb olub, iqtisadiyyatın əksər sahələrinin inkişafına mənfi təsir göstərib. Ölkədə iqtisadi aktivliyin zəifləməsi nəticəsində qeyri-neft gəlirlərinin azalması və digər maliyyələşmə mənbələrinin daralması dövlət büdcəsinin icrasında ahəngdarlığın, gəlirlər və xərclər arasında tarazlığın pozulması təhlükəsini yaradıb.

Pandemiyanın diktə etdiyi keyfiyyətcə yeni sosial və iqtisadi davranış mühitinin xüsusiyyətləri, səhiyyə sahəsinin artan ehtiyacları, əhalinin həssas sosial qruplarına, dövlət şirkətlərinə, sahibkarlıq subyektlərinə, kiçik və orta biznesə dövlət dəstəyinin göstərilməsinin davam etdirilməsi, ölkənin müdafiə qabiliyyətinin və təhlükəsizliyinin daha da artırılması və digər dövlət ehtiyaclarının təmin edilməsi dövlət büdcəsinin xərclərinin artırılması ilə bağlı yeni çağırışları formalaşdırır”.

Samir Şərifov vurğulayıb ki, cari il üçün yenilənmiş makroiqtisadi proqnozlar əsas götürülməklə aparılmış hesablamalar əsasında 2020-ci il dövlət büdcəsinin dürüstləşdirilmiş gəlirləri 24124,0 milyon manat nəzərdə tutulur ki, bu da ÜDM-in 35,3 faizi həcmindədir:

“Təklif edilən dəyişikliklərdən sonra İcmal büdcənin gəlirləri mövcud gəlirdən təxminən 5 milyard manat az olacaq. İcmal büdcənin kəsiri 8 milyard 436 milyon manat təşkil edəcək. Dövlət büdcəsinin kəsrləri üzrə azalmalara daxili bazarlarda neft məhsullarına təlabatın azalması, həmçinin bir sıra vergilər üzrə güzəştlərin tətbiqi ilə əlaqədardır. Dövlət büdcəsindən dəstək proqramlarının həyata keçirilməsi üçün 600 milyon manat vəsait ayrılıb. Yenidən baxılma ilə təsdiq olunmuş dövlət büdcəsinin vergi və rüsumlar üzrə, habelə dövlət büdcəsindən maliyyələşən təşkilatların büdcədənkənar daxilolmaları 890,5 milyon manat məbləğində azaldılır, Dövlət Neft Fondunun dövlət büdcəsinə transferti və dövlət büdcəsinin digər daxilomaları müvafiq olaraq 850 milyon manat artırılır. Bunlar nəzərə alınmaqla 2020-ci il dövlət büdcəsinin dürüstləşdirilmiş xərcləri 27492,2 milyon manat təşkil edəcək. Daxili bazarda istiqrazların yerləşdirilməsi üçün 190 milyon manat məbləğində vəsait nəzərdə tutulur”. Samir Şərifov onu da əlavə edib ki, “Büdcə sistemi haqqında” qanuna əsasən, dövlət büdcəsi layihəsinin tərtibi prosesi növbəti büdcə ilinə 11 ay qalmış başlanır və büdcə layihəsinin Milli Məclisə təqdim edildiyi günədək olan dövrü əhatə edir. Dəyişikliklərlə əlaqədar olaraq “Büdcə sistemi haqqında” qanunda nəzərdə tutulan büdcə qaydasının tətbiqi 2022-ci il yanvarın 1-nə qədər dayandırılır.

ŞƏRH YAZ
0

Mikayıl Cabbarov əmr imzaladı

Mikayıl Cabbarov əmr imzaladı
09:42
Bu gün
1110
İqtisadiyyat
A
İqtisadiyyat Nazirliyində kadr dəyişikliyi olub.

"Ölkə.Az"ın məlumatına görə, bu barədə İqtisadiyyat naziri Mikayıl Cabbarov əmr imzalayıb.

Əmrə əsasən, Səməd Bəşirli İqtisadiyyat nazirinin müşaviri təyin olunub.

Qeyd edək ki, S.Bəşirli bu vəzifəyə qədər İqtisadiyyat Nazirliyinin sənaye şöbəsinin müdiri vəzifəsində çalışıb.(Mediapost)

ŞƏRH YAZ
0
BAĞLA