KORONAVİRUSA YOLUXANLARIN SAYI - CANLI STATİSTİKA

Azərbaycan ötən il Gürcüstana 240 mln. dollar investisiya yatırıb

Azərbaycan ötən il Gürcüstana 240 mln. dollar investisiya yatırıb
01:00
25.05.2019
4560
İqtisadiyyat
A
Ötən il Gürcüstan iqtisadiyyatına 1 mlrd. 232,4 mln. ABŞ dolları həcmində investisiya yatırılıb.

"Ölkə.Az" report-a istinadən bildirir ki,, bu barədə ötənilki dövlət büdcəsinin icrası haqqında sənəddə bildirilir.

İllik müqayisədə qonşu ölkəyə qoyulan sərmayələrin həcmi 34,9% azalıb.

Hesabat ilində Gürcüstanın ən böyük investoru 240 mln. dollarla Azərbaycan olub. İkinci və üçüncü yerlərdə müvafiq olaraq Böyük Britaniya (203,7 mln. dollar) və Niderland (167,9 mln. dollar) qərarlaşıb.

Sənəddə qeyd olunub ki, 2018-ci ildə ən çox investisiya maliyyə (277 mln. dollar), nəqliyyat (210 mln. dollar) və energetika (157 mln. dollar) sahələrinə yatırılıb.

Dövlət büdcəsinin icrası haqqında sənəd mayın 27-də Gürcüstan parlamentinin büro iclasında təqdim olunacaq.

Ölkə.Az

ŞƏRH YAZ
0

Azərbaycanın xarici borcu ÜDM-in 22,4%-nə bərabər olub

Azərbaycanın xarici borcu ÜDM-in 22,4%-nə bərabər olub
11:45
Bu gün
133
İqtisadiyyat
A
2020-ci il 1 iyul tarixinə Azərbaycan Respublikasının cəmi birbaşa və şərti öhdəliklər üzrə dövlət borcunun həcmi 9 813,3 mln. ABŞ dollarına (16682,6 mln. manata) və ya ÜDM-in 24,5 %-nə bərabər olub.

"Ölkə.Az" bu barədə Maliyyə Nazirliyinə istinadən xəbər verir.

Bütövlükdə xarici borc ÜDM-in 22,4%-nə (8 960,3 mln. ABŞ dolları), daxili borc isə 2,1%-nə (1 450,1 mln. manat) bərabərdir.

Birbaşa cəlb edilmiş öhdəliklər üzrə xarici borc ÜDM-in 20,5%-ni (8 213,2 mln. ABŞ dolları), daxili borc isə 1,9 %-ni (1320,1 mln. manat) təşkil etməklə ümumilikdə ÜDM-in 22,4%-nə (8 989,7 mln. ABŞ dolları) bərabər olub. Şərti öhdəliklər üzrə xarici borc ÜDM-in 1,9%-ini (747,1 mln. ABŞ dolları), daxili borc isə 0,2 %-ni (130,0 mln. manat) təşkil etməklə ümumilikdə 2,1%-ni (823,6 mln. ABŞ dolları) təşkil edib.

Xatırladaq ki, 1 yanvar 2020-ci il tarixi vəziyyətinə müxtəlif beynəlxalq maliyyə-kredit qurumları və xarici banklarla imzalanmış kredit sazişləri çərçivəsində Azərbaycan Respublikasının birbaşa xarici dövlət borcu 8 320,0 mln.ABŞ dolları və ya 2019-cu il üzrə Ümumi Daxili Məhsulun (ÜDM) 17,3 %-ni, dövlət müəssisələri tərəfindən cəlb edilmiş xarici borclara verilmiş dövlət zəmanətləri üzrə şərti öhdəliklər isə 771,0 mln. ABŞ dolları və ya ÜDM-in 1,6%-ni təşkil etməklə, ümumilikdə xarici dövlət borcu 9 091,0 mln. ABŞ dolları və ya ÜDM-in 18,9%-ni təşkil edib.

Xarici dövlət borcu beynəlxalq maliyyə institutlarından infrastruktur layihələri və maliyyələşmə proqramları üçün cəlb edilmiş kreditlərdən, həmçinin beynəlxalq maliyyə bazarlarında yerləşdirilmiş dövlət qiymətli kağızlardan ibarətdir.

ŞƏRH YAZ
0

Azərbaycanda xarici dövlət borcuna xidmətlə bağlı xərclər azaldılır

Azərbaycanda xarici dövlət borcuna xidmətlə bağlı xərclər azaldılır
20:51
01.08.2020
663
İqtisadiyyat
A
Azərbaycanda xarici dövlət borcuna xidmətlə bağlı xərclər 102 milyon manat və yaxud 6% azaldılaraq 1 695 milyon manatdan 1 593 milyon manata, o cümlədən faiz ödənişləri ilə bağlı xərclər 49 milyon manat və yaxud 9,5% azaldılaraq 517,9 milyon manatdan 468,9 milyon manata endirilir.

“Ölkə.Az” xəbər verir ki, bu, “2020-ci il dövlət büdcəsi haqqında” qanuna dəyişiklik layihəsində öz əksini tapıb.

Daxili dövlət borcuna xidmətlə bağlı xərclərin isə dəyişdirilməyərək 133,15 milyon manat, o cümlədən faiz ödənişləri ilə bağlı xərclərin 120,15 milyon manat saxlanılması nəzərdə tutulub.

ŞƏRH YAZ
0
BAĞLA