KORONAVİRUSA YOLUXANLARIN SAYI - CANLI STATİSTİKA

Azərbaycan XİN-dən Paşinyanın Xankəndidə təxribatçı fikirlərinə münasibət

Azərbaycan XİN-dən Paşinyanın Xankəndidə təxribatçı fikirlərinə münasibət
12:09
07.08.2019
1326
Siyasət
A
Azərbaycan Xarici İşlər Nazirliyi Ermənistanın Baş naziri Nikol Paşinyanın Azərbaycan Respublikasının işğal olunmuş Dağlıq Qarabağ bölgəsinin Xankəndi şəhərinə qanunsuz səfəri zamanı səsləndirdiyi təxribatçı fikirlərinə münasibət bildirib.

Nazirlikdən "Ölkə.Az"a verilən məlumata görə, ölkəmizin qəti mövqeyinin əks olunduğu 6 avqust tarixli bəyanatına Ermənistan Xarici İşlər Nazirliyinin kifayət qədər xaotik və məntiqi izahı olmayan cavabı diqqəti cəlb edib:

“Hesab edirik ki, Azərbaycana qarşı silahlı təcavüz həyata keçirərək ölkəmizin Dağlıq Qarabağ və ətraf bölgələrini qanunsuz güc tətbiqi ilə işğal edən, bu ərazilərdəki azərbaycanlı əhaliyə qarşı tam etnik təmizləməni həyata keçirən və Xocalı şəhərində soyqırımı aktı törədən Ermənistanın Xarici İşlər Nazirliyi Azərbaycanı sivil normalara və ədəb-ərkana riayət etməməkdə, habelə dözümsüzlükdə ittiham edə biləcək subyektlər sırasında ən sonuncudur.

Üstəlik, Ermənistan XİN-i Azərbaycan hökumətini N.Paşinyanın Xankəndidə Ermənistan, Qarabağ və diaspor üçün “birlik, həmrəylik, inkişaf və tərəqqi” mövzusunda etdiyi çıxışının mahiyyətini və məzmununu başa düşməməkdə inandırmağa çalışır.

Bu ölkənin baş nazirinin arxasınca, “nəcib niyyətini” oxşar və yöndəmsiz şəkildə izah edən Ermənistan XİN-i faktiki olaraq, Azərbaycan Respublikasının Dağlıq Qarabağ bölgəsinə münasibətdə rəsmi Ermənistan tərəfindən anneksiya siyasətinin aparıldığını etiraf edir.

Ermənistan tərəfinin Ermənistan-Azərbaycan Dağlıq Qarabağ münaqişəsinin sülh yolu ilə həlli üzrə ATƏT-in Minsk Qrupu həmsədrlərinin vasitəçiliyi ilə aparılan danışıqlar prosesinin məntiqinə xələl gətirən belə bir qeyri-adekvat yanaşmanı nümayiş etdirməsi regional gərginliyə səbəb olur və bunun məsuliyyəti tam şəkildə Ermənistanın üzərinə düşür.

Ermənistan XİN-in başa düşməkdə çətinlik çəkdiyi, Azərbaycan Xarici İşlər Nazirliyinin 6 avqust tarixli və kifayət qədər aydın yazılmış bəyanatında məhz bu sözlər qeyd edilir”, - məlumatda vurğulanıb.

Ölkə.Az

ŞƏRH YAZ
0

Ermənilərə şok — Avropa səması bağlandı...

Ermənilərə şok
23:17
Bu gün
352
Siyasət
A
ABŞ-ın Ermənistandakı səfirliyi əməkdaşlara rəsmi səfərlər üçün ermənilərin aviaşirkətlərindən istifadəni yasaqlayıb.

"Ölkə.Az" hit.az-a istinadən xəbər verir ki, bu ilin iyun ayında Avropa Birliyi Ermənistanın bütün aviaşirkətlərini Aviasiya Təhlükəsizliyi Siyahısına (EU Air Safety List) daxil edib.

Səbəb Ermənistan aviaşirkətlərinin təhlükəsiz uçuşlarına inamın olmamasıdır.

Ən azı 2022-ci ilədək qüvvədə olacaq qərar Ermənistanın aviaşirkətlərinə AB üzvü olan ölkələrə, habelə AB ölkələri arasında uçuşları yasaqlayır.

Faktiki olaraq, Avropa Birliyi səmasını Ermənistan aviaşirkətlərinə bağlayıb.

Yaxın iki il ərzində Ermənistanın “Aircompany Armenia”, “Armenia Airways”, “Armenian Helicopters”, “Atlantis Armenian Airlines”, “Atlantis European Airways”, “Mars Avia” və “Skyball” adlı şirkətləri heç bir halda, heç bir şərtlərlə Avropa Birliyinin səmasından yararlana bilməyəcəklər.

Avropa Birliyinin qara siyahısında İraq, Venesuela, Əfqanıstan, Anqola, Konqo, Cibuti, Ekvatorial Qvineya, Eritreya, Liberiya, Liviya, Nepal, San-Tome və Prinsipi kimi dövlətlərin də aviaşirkətləri var.

AB-nin, sonra da ABŞ-ın Ermənistan aviaşirkətlərinə qarşı sərt sanksiyalar və yasaqlar tətbiq etməsi, sadəcə, rəsmi olaraq uçuşların təhlükəsizliyinin təminatı ilə bağlıdır.

Əsl səbəb Erməistanda rəsmi qeydiyyata alınmış təyyarələrdən uzun illərdən bəri Afrika ölkələrinə silah, hərbi texnika və sursat daşımaq üçün istifadə olunmasıdır.

Ermənistan rəhbərliyindəki şəxslər bu qanunsuz əməliyyatlarda bilavasitə iştirak edərək külli miqdarda gəlirlər əldə ediblər.

ŞƏRH YAZ
0

Məhkəmə Eldar Həsənov barəsində qərar verdi — YENİLƏNİB

Məhkəmə Eldar Həsənov barəsində qərar verdi
22:30
Bu gün
660
Siyasət
A
Səbail Rayon Məhkəməsində Azərbaycan Respublikasının Serbiya Respublikasında, Monteneqroda, Bosniya və Herseqovinadakı səfiri Eldar Həsənov barəsində istintaq orqanı tərəfindən verilən təqdimata baxılıb.

"Ölkə.Az" bildirir ki, məhkəmədə Eldar Həsənov barəsində həbs qətimkan tədbiri seçilib.

***

Dövlət Təhlükəsizliyi Xidməti (DTX) tərəfindən saxlanılan səfir Eldar Həsənov məhkəməyə aparılıb.

"Ölkə.Az" bildirir ki, Səbail rayon Məhkəməsində istintaq orqanının E. Həsənov barəsində həbs qətimkan tədbirinin seçilməsinə dair təqdimatına baxılır.

Qeyd edək ki, DTX-nin yaydığı məlumata görə, Azərbaycan Respublikası Xarici İşlər Nazirliyinin bəzi vəzifəli şəxslərinin öz səlahiyyətlərindən sui-istifadə edib dövlətin qanunla qorunan mənafelərinə mühüm zərər vuran əməllərə yol vermələri ilə bağlı başlanılmış cinayət işi üzrə Xarici İşlər Nazirliyinin İşlər idarəsinin müdiri, Nazirliyin Tender Komissiyasının sədri Fərhad Molla-zadə, Konsulluq idarəsinin rəisi Faiq Bağırov və digərləri vəzifə səlahiyyətlərindən sui-istifadə etmə, mənimsəmə, rüşvət alma faktlarına görə cinayət məsuliyyətinə cəlb edilərək barələrində məhkəmənin qərarları əsasında həbs qətimkan tədbiri seçilib.

Davam edən cinayət işi üzrə həyata keçirilən istintaq-əməliyyat tədbirləri zamanı Xarici İşlər Nazirliyinin fəaliyyət istiqamətləri üzrə ayrılan dövlət büdcə vəsaitlərinin mənimsənilməsi ilə bağlı yeni məlumatlar əldə edilib, toplanılmış materiallar əsasında müvafiq qərarla kompleks maliyyə-təsərrüfat fəaliyyəti üzrə yoxlama təyin edilib.

Maliyyə yoxlamaları zamanı Azərbaycan Respublikasının Serbiya Respublikasında, Monteneqroda, Bosniya və Hersoqovinadakı səfiri Həsənov Eldar Hümbət oğlu tərəfindən xeyli miqdarda büdcə vəsaitinin təyinatı üzrə istifadə edilməməsi və digər qanun pozuntularının törədilməsinə dair əsaslı şübhələr müəyyən edilib.

Aparılan istintaq çərçivəsində Eldar Həsənov şübhəli şəxs qismində tutulub.APA

ŞƏRH YAZ
0
BAĞLA