KORONAVİRUSA YOLUXANLARIN SAYI - CANLI STATİSTİKA

Azərbaycanda bir günə 650 min ağac əkildi — FOTOLAR

Azərbaycanda bir günə 650 min ağac əkildi
10:59
06.12.2019
3169
Ölkə
A
Dahi Azərbaycan şairi İmadəddin Nəsiminin 650 illik yubileyi münasibətilə dekabrın 6-da Azərbaycan ərazisində ağacəkmə aksiyası keçirilib. Birinci viste-prezident Mehriban Əliyevanın təşəbbüsü ilə keçirilən aksiya çərçivəsində ümumilikdə 83 şəhər və rayonda 37 növdə 650 min ağacın əkilməsi nəzərdə tutulur.

"Ölkə.Az" xəbər verir ki, aksiya bu gün səhərdən başlayıb və ölkənin bütün ərazisində davam edir. Şamaxı Rayonuna səfər edən ölkə Prezidenti və Birinci vitse-prezident Mehriban Əliyeva ağacəkmə aksiyasında iştirak ediblər.


Bu aksiya bir tərəfdən ölkədə yaşıllaşdırma hərəkatına dövlət rəhbərliyinin diqqət və dəstəyi, birbaşa iştirakı və təşviqi kimi qiymətləndirilir. İlk dəfə olaraq bu aksiya konkret olaraq bir bölgə və ya ərazidə deyil, bütün ölkə ərazisində keçirilir. Üstəlik daha əvvəl olduğu kimi sadəcə ağacların əkilməsi hadisəsi deyil, kompleks fəaliyyət olacaq. Yəni əkilən ağaclara qulluq, suvarılması da nəzərə alınıb və müvafiq sistemlər yaradılıb ki, bu da özlüyündə Azərbaycanda yenidir, hər kəsin sual verdiyi məsələyə, yəni ağacların sonrakı taleyinə də aydınlıq gətirir.  

Xatırlatmaq lazımdır ki, son illərdə ağacəkmə, yaşıllğın artırılması bir sır dövlətlərdə xüsusi proqramlarla həyata keçirilir. Bu həm də planetin oksigen “anbarının” qorunması baxımdan humanist bir addımdır.

Digər tərəfdən, ölkə başçısının və xanımının ağacəkmə kampaniyasına qatılması bu prosesə dəstəklə yanaşı, son bir ildə intensivləşən xalqla təmas siyasətinin davamı olub. Ölkə başçısı və Birinci viste-prezident növbəti dəfə sadə insanlar, könüllülərlə görüşüb. Eyni zamanda Şamaxıya səfəri çərçivəsində Şahxəndan türbəsini ziyarət edib, türbənin təmiri işləri ilə maraqlanıb. 

Ölkə.Az

ŞƏRH YAZ
0

Qəlblərdə əbədi yaşayan şəhidlər... — REPORTAJ - FOTO

Qəlblərdə əbədi yaşayan şəhidlər...
09:11
Bu gün
98
Ölkə
A
Şəhidlər bizim fəxrimiz, onların uyuduğu Vətən torpağı isə and yerimizdir. İllər keçsə də, nəsillər bir-birini əvəz etsə də qəhrəmanlıqları ilə dastan yazan şəhidlərimiz, torpaq uğrunda canından keçən oğul və qızlarımız heç vaxt unudulmayacaq. Onların əziz xatirəsi daim qəlbimizdədir. Demək olar ki, hər rayonda, hər kənddə şəhidlərimizin xatirəsinə bir abidə, bir xiyaban var. Söhbət açacağımız belə məkanlardan biri də Tovuzun Əyyublu kəndidir. Düşmən təxribatlarından bir ay keçməsinə baxmayaraq, tez bir müddətdə bu kənddə şəhidlər üçün abidə qoyulub. Abidəyə həkk olunan "Şəhidlər ölməz, Vətən bölünməz" sözləri isə hər bir tovuzlunun qürurla səsləndirdiyi ifadəyə çevrilib.

"Ölkə.Az" AZƏRTAC-a istinadən bildirir ki, Tovuz rayonunun ən böyük kəndi olan Əyyubludakı xiyaban indi insanların tez-tez ziyarət etdiyi məkanlardan birinə çevrilib.

İyul şəhidlərimizin əzəmətli fotoları parkın girəcəyinə yerləşdirilib. Kənd ağsaqqalı, ziyalı 89 yaşlı İsa Cavadoğlu düşmənin iyul təxribatı günlərini xatırlayaraq deyib ki, indiyədək insanlarda belə yüksək əhval-ruhiyyənin şahidi olmamışdı. Vətənə bağlılıq, ordu-xalq birliyi insanları bir amal ətrafında cəmləmişdir. "Yaşlı nəsldən tutmuş yeniyetmələrə qədər hamı döyüşə getməyə can atırdı. Xalq öz ordusuna güvənir, onun arxasında elə dayanmışdı ki, bunu sözlə təsəvvür edə bilmirəm", - deyə Tovuz ziyalısı əlavə edib.

Əyyublu kənd sakini, tarix müəllimi Alim Sarıyev bildirib ki, Azərbaycanın qədim dövlətçilik ənənələri var. Bu, özünü bir daha Tovuz döyüşlərində də göstərdi. Xalqımızın döyüş ruhu yüksək səviyyədədir. Ordumuz bir daha sübut etdi ki, torpaqlarımızı azad etməyə hər an hazırdır. Döyüşlərin getdiyi ərəfədə qonşu dövlətlərdən, qardaş Türkiyədən, Pakistandan və başqalarından gördüyümüz mənəvi dəstək də bizi hədsiz sevindirdi".

Ərazidə aparılan yenidənqurma işləri yerli sakinlərin də ürəyincə olub. Sakinlərlə söhbət zamanı onların ümumi fikri bu oldu ki, ordumuzun müasir silahları, texnikaları, peşəkar heyəti iyul təxribatı zamanı düşməni qorxuya salıb. Düşmən indi 30 il əvvəlki ordu ilə üz-üzə dayanmadığını çox yaxşı anlayır.

ŞƏRH YAZ
0

Bu gün 20 minə yaxın abituriyent imtahan verəcək

Bu gün 20 minə yaxın abituriyent imtahan verəcək
07:58
Bu gün
209
Ölkə
A
Avqustun 13-14-də cari və əvvəlki illərin məzunları üçün II və III ixtisas qrupları üzrə, eləcə də I və IV ixtisas qrupları üzrə ali təhsili müəssisələrinin müsabiqəsində buraxılış imtahanında verdiyi xarici dildən fərqli dil üzrə iştirak etmək istəyənlər üçün əlavə xarici dil imtahanı və qəbul imtahanını buraxılış imtahanında verdiyi dildən fərqli dil üzrə vermək istəyənlər üçün əlavə imtahan (Azərbaycan və ya rus dili) da keçiriləcək.

"Ölkə.Az" xəbər verir ki, imtahanlar saat 11:00-da başlanır. 

İmtahanların başlanmasına 15 dəqiqə qalmış – saat 10:45-də buraxılış rejimi başa çatır. Bundan sonra gələn iştirakçılar imtahan binasına buraxılmır. 

İmtahanlar respublikanın 35 şəhər və rayonunda keçiriləcək.

Xatırladaq ki, imtahan keçirilən şəhər və rayonlarda ümumilikdə 164 imtahan binası, 2877 imtahan zalı ayrılıb. İmtahanların idarə olunmasına 164 ümumi imtahan rəhbəri, 490 imtahan rəhbəri, 3754 nəzarətçi–müəllim, 328 buraxılışı təşkil edən əməkdaş, 164 bina nümayəndəsi ayrılıb.

Avqustun 13-də keçiriləcək imtahanlarda 19 197, avqustun 14-də keçiriləcək imtahanlarda isə 18102 nəfər olmaqla, ümumilikdə 37 299 abituriyentin imtahanlarda iştirakı nəzərdə tutulur. Bunlardan 14232 nəfər II ixtisas qrupu, 22607 nəfər III ixtisas qrupu üzrə qəbul imtahanının ikinci mərhələsini, 460 nəfər isə I və IV ixtisas qrupları üzrə əlavə xarici dil imtahanını verənlərdir.

Ehtiyat tədbirləri çərçivəsində imtahan binasına daxil olan iştirakçılarının məsafədən ölçə bilən elektron termometrlə bədən hərarətləri yoxlanılacaq, zəruri dezinfeksiyaedici vasitələrdən istifadə olunacaqdır. İmtahana bədən hərarəti 37°C-dən aşağı olan şəxslər buraxılır.

İmtahan iştirakçıları imtahan binasına daxil olmaq üçün yoxlamadan keçərkən sosial məsafəni saxlamaqla şəxsiyyətini təsdiq edən sənədi, üst tərəfini DİM əməkdaşının görəcəyi şəkildə ona tərəf uzatmalı və müvəqqəti olaraq maskasını çıxardaraq üzünü göstərməlidir.

ŞƏRH YAZ
0
BAĞLA