KORONAVİRUSA YOLUXANLARIN SAYI - CANLI STATİSTİKA

Azərbaycanda daha bir tibb işçisi koronavirusdan öldü — SON DƏQİQƏ

Azərbaycanda daha bir tibb işçisi koronavirusdan öldü
17:12
22.05.2020
6414
Ölkə
A
"1962-ci il təvəllüdlü tibb işçisi bu gün vəfat edib".

"Ölkə.Az" xəbər verir ki, bunu “Tibbi Ərazi Bölmələrini İdarəetmə Birliyi”nin (TƏBİB) İdarə Heyətinin sədri Ramin Bayramlı Nazirlər Kabineti yanında Operativ Qərargahın brifinqində çıxışı zamanı deyib.

TƏBİB sədri qeyd edib ki, onun başqa xəstəliyi də olub: “Aprelin 30-dan Mərkəzi Neftçilər Xəstəxanasında müalicə alırdı və süni nəfəs aparatına qoşulmuşdu. Yanaşı xəstəlikləri ilə əlaqədar vəziyyəti ağırlaşdı və bütün səylərə baxmayaraq onun həyatını xilas etmək mümkün olmayıb”.  

ŞƏRH YAZ
0

SON DƏQİQƏ: Azərbaycanda restoran və kafelərlə bağlı QƏRAR VERİLDİ — RƏSMİ

SON DƏQİQƏ: Azərbaycanda restoran və kafelərlə bağlı QƏRAR VERİLDİ
20:29
Bu gün
31
Ölkə
A
Nazirlər Kabineti “Koronavirus (COVID-19) pandemiyası dövründə ictimai iaşə müəssisələrinə müştəri qəbulu ilə bağlı bəzi məsələlərin tənzimlənməsi barədə” qərarına dəyişiklik edib.

"Ölkə.Az" xəbər verir ki, Baş Nazir Əli Əsədov bununla bağlı qərar imzalayıb.

Eyni zamanda həmin qərarla təsdiq edilmiş “Koronavirus (COVID-19) pandemiyası dövründə ictimai iaşə müəssisələrinə müştəri qəbulu zamanı adambaşına müəyyən edilən sıxlıq normaları”nın “Qida qəbulu zalları” sütununa “zalları” sözündən sonra “, otaqlar, habelə açıq hava sahələri” sözləri əlavə edilib.

Belə ki, qərara əsasən, ictimai iaşə müəssisələrinin  qida qəbulu zallarında otaqlarında, habelə onların açıq hava sahələrində oturacaqların ara məsafəsi eyni masa arxasında 1 metrdən, masalararası məsafələr isə 2 metrdən az olmamalıdır.

ŞƏRH YAZ
0

Rusiya-Azərbaycan sərhədində gözləyən soydaşlarımız bu gün vətənə qayıdır

Rusiya-Azərbaycan sərhədində gözləyən soydaşlarımız bu gün vətənə qayıdır
20:00
Bu gün
108
Ölkə
A
Rusiya-Azərbaycan sərhədində - Kullar kəndi yaxınlığında 700-dən çox insan rəsmi müvəqqəti postda və çadır düşərgəsində vətənə qayıtmağı gözləyir.

Həftə ərzində sərhədlərin açılmasını gözləyən azərbaycanlıların sayı iki dəfədən çox artıb.

“Kafkazskiy Uzel” xəbər verir ki, bunu azərbaycanlıların yerli təşkilatının nümayəndəsi Afiq Allahverdiyev bildirib.

Dağıstanın Kullar kəndi yaxınlığındakı müvəqqəti yaşayış mərkəzinin sakinləri hər həftə qruplarla, adətən, çərşənbə axşamı evlərinə göndərilirlər. Avqustun 4-də 160 nəfər Azərbaycana qayıda bilib.

A.Allahverdiyevin sözlərinə görə, növbəti qrupun Azərbaycana göndərilməsi bu günə planlaşdırılıb:

“Siyahılar artıq tərtib olunub, amma kimlərin ora daxil olduğu hələ məlum deyil. İnsanların adları hələ açıqlanmayıb”.

O qeyd edib ki, çadırda kifayət qədər yer olmadığı üçün insanlar ətrafda tərk edilmiş binalarda yerləşirlər və ya küçədə yaşayırlar. Qadın və uşaqlara üstünlük verilir, onlar dərhal çadırda yerləşdirilirlər.

Rəsmi çadır düşərgəsində 360 nəfər var ki, onlardan 16-sı qadındır.

ŞƏRH YAZ
0
BAĞLA