KORONAVİRUSA YOLUXANLARIN SAYI - CANLI STATİSTİKA

Azərbaycanda daha bir vəzifəli şəxs saxlanıldı — SON DƏQİQƏ!

Azərbaycanda daha bir vəzifəli şəxs saxlanıldı
13:24
31.05.2020
5458
Hadisə
A
Ölkəmizdə əhalinin sosial rifahına kölgə salan korrupsiya və rüşvətxorluq kimi neqativ amillərə, o cümlədən əhalini narahat edən müxtəlif sahələrdə korrupsiya hüquqpozmaları törətmiş vəzifəli şəxslərin qanun qarşısında ifşa və məsuliyyətə cəlb edilməsi istiqamətində prokurorluq orqanları tərəfindən ardıcıl və təxirəsalınmaz tədbirlər davam etdirilir.

"Ölkə.Az" xəbər verir ki, bu barədə Baş Prokurorluğunun Mətbuat xidmətindən məlumat verilib.

Belə ki, Masallı rayonun Ərkivan-Kosakül ərazisində kənd təsərrüfatı təyinatlı torpaq sahələrinin qanunsuz olaraq qazılıb daşınması barədə Masallı rayon prokurorluğundan daxil olmuş material Baş prokuror yanında Korrupsiyaya qarşı Mübarizə Baş İdarəsində araşdırılıb.

Həyata keçirilmiş istintaq-əməliyyat tədbirləri nəticəsində Masallı rayon Ərkivan bələdiyyəsinin sədri vəzifəsini icra etmiş Anar Rəcəbovun vəzifə səlahiyyətlərindən sui-istifadə edərək “Bələdiyyə torpaqlarının idarə edilməsi haqqında” Azərbaycan Respublikası Qanununun tələblərini qəsdən pozaraq 2015-2016-cı illər ərzində bələdiyyənin mülkiyyətində olan 5 hektar kənd təsərrüfatı kateqoriyalı, örüş təyinatlı torpaq sahələrinin xüsusi texnikanın köməkliyi ilə qazılaraq gil və qum çınqıl yatağının daşınması nəticəsində yararsız vəziyyətə salınmasına şərait yaradıb təbiətə ümumilikdə 644 min manat məbləğində ziyan vurmasına şübhələr üçün əsaslar müəyyən edildiyindən faktla bağlı Cinayət Məcəlləsinin 308.2-ci (vəzifə səlahiyyətlərindən sui-istifadə ağır nəticələrə səbəb olduqda) maddəsi ilə cinayət işi başlanıb.

Hazırda iş üzrə qeyd olunan qanunsuz halların tam və hərtərəfli araşdırılmaqla təqsirli şəxslərin və qanuni mənafeləri pozulmuş vətəndaşların dairəsinin müəyyənləşdirilməsi, habelə vurulmuş ziyanın ödənilməsinin təmin olunması istiqamətində Baş prokuror yanında Korrupsiyaya qarşı Mübarizə Baş İdarəsində zəruri istintaq-əməliyyat tədbirləri davam etdirilir.

Ölkə.Az

ŞƏRH YAZ
0

Gəncədə leysan yağdı, yaşayış evlərini, həyətyanı sahələri su basdı — FOTOLAR

Gəncədə leysan yağdı, yaşayış evlərini, həyətyanı sahələri su basdı
10:26
Bu gün
374
Hadisə
A
Ötən gecə leysan yağış Gəncədə fəsadlar törədib.

"Ölkə.Az" xəbər verir ki, gecə saatlarından başlayan aramsız yağış nəticəsində şəhərin Gülüstan qəsəbəsində və digər yerlərdə yaşayış evlərini, həyatyani sahələri su basıb.

Yağışdan ziyan çəkmiş ərazilərə Gəncə Şəhər İcra hakimiyyətinin başçısı Niyazı Bayramov və müavinləri, həmçinin Kəpəz və  Nizami rayon İcra hakimiyyətinin başçıları, Fövqəladə Hallar Nazirliyinin nümayəndələri gəlib. Əraziyə baxış keçrilib, yaranmış problemlərin aradan qaldırılması istiqamətində tapşırıqlar verib.

Evlərə və həyətlərə dolan sular FHN-nin xüsusi qurğuları vasitəsi ilə çəkilib. Hazırda yaranan problemlərin aradan qaldırılması istiqamətində işlər görülür. APA

 

ŞƏRH YAZ
0

Gəmiçinin siqaretlə ehtiyatsız davranışı güclü yanğına səbəb oldu — VİDEO

Gəmiçinin siqaretlə ehtiyatsız davranışı güclü yanğına səbəb oldu
09:53
Bu gün
342
Hadisə
A
Türkiyənin Gəmilik rayonunun (Bursa vilayəti) sahil sularında lövbər salmış gəmidə güclü yanğın baş verib.

“İhlas Haber Ajansı” (İHA) məlumat verir ki, gəmidə çalışan şəxslərdən birinin siqaretlə ehtiyatsız davranması nəticəsində gəmidə güclü yanğın başlayıb.

Hadisə yerinə yanğınsöndürmə texnikası cəlb edilib.

ŞƏRH YAZ
0
BAĞLA