KORONAVİRUSA YOLUXANLARIN SAYI - CANLI STATİSTİKA

Azərbaycanda ECMO aparatı Bəhram Bağırzadədən başqa kimlərə qoşulub? — AÇIQLAMA

Azərbaycanda ECMO aparatı Bəhram Bağırzadədən başqa kimlərə qoşulub?
16:40
08.07.2020
4387
Ölkə
A
Azərbaycanda ilk dəfə Mərkəzi Gömrük Hospitalında Əməkdar artist Bəhram Bağırzadəyə qoşulan ECMO cihazı hələlik başqa xəstələr üçün istifadə edilməyib.

"Ölkə.Az" xəbər verir ki, bunu Modern.az-a açıqlamasında hospitalın “Elmi Təcrübi və Tədris Mərkəzi”nin rəisi, deputat Rəşad Mahmudov bildirib.

Mərkəzin rəisi qeyd edib ki, indiyədək bir xəstə üçün istifadədə yüksək nəticə verən cihazın effektivliyi 100 faiz qiymətləndirilir:

“Bizim xəstəxanada koronaviruslu xəstələrin müalicəsinə iyunun 11-dən başlanılıb. İyunun 13-də isə cihazı ehtiyacı olan xəstəyə qoşmuşuq. Hələlik bir xəstə üçün istifadə edildiyindən və müsbət nəticə əldə olunduğundan, effektivliyi 100 faiz hesab edilir.

Aparat hazırda reanimasiyada yatan xəstələrin yanındadır. Təbii ki, ehtiyacı olan xəstə üçün dərhal istifadə ediləcək. Hələlik belə vəziyyət yaranmayıb, ümid edirik ki, yaranmaz da”.

R.Mahmudov deyib ki, xəstəxanada müalicə alan bütün xəstələrin müalicəsinə məsuldurlar:

“O cümlədən, Bəhram Bağırzadənin. Hazırda onun müalicəsi davam etdirilir, vəziyyəti qənaətbəxşdir”.

Xatırladaq ki, ECMO ekstrakorporal membran oksigenləşdirmə cihazı olub, ağciyər və ürək yerinə iki-üç həftə funksiya göstərərək, mövcud olan problemin həlli üçün həkimlərə vaxt qazandırır.

Tibb Universitetinin Tədris Cərrahiyyə Klinikasının dosenti Ədalət Rüstəmov mətbuata açıqlamasında bildirmişdi ki, ECMO aparatından Azərbaycanda cəmi altı ədəddir. O, həmçinin, sözügedən aparatların qiymətinin altı milyon dollar olduğunu açıqlamışdı.

ŞƏRH YAZ
0

Azərbaycanda reanimasiyada olan xəstələrin sayı açıqlandı

Azərbaycanda reanimasiyada olan xəstələrin sayı açıqlandı
23:41
05.08.2020
183
Ölkə
A
Azərbaycanda koronavirusla bağlı son statistika açıqlanıb.

"Ölkə.Az" xəbər verir ki, Tibbi Ərazi Bölmələrinin İdarəetmə Birliyindən (TƏBİB) verilən məlumata görə, bu gün 7883 koronavirus testi edilib. Onlardan 193-ü pozitiv çıxıb. Bununla da ölkə ərazisində indiyə qədər edilən koronavirus testlərinin sayı 759 229-a çatıb.

Məlumata görə, hazırda reanimasiyada olan koronavirus xəstələrinin sayı 255 nəfərdir. Onlardan 51 nəfəri süni tənəffüs cihazında olan xəstələrdir.

Hazırda ölkədə 3787 nəfər aktiv koronavirus xəstəsi var.

ŞƏRH YAZ
0

Bakıda 88 yaşlı qadın koronavirusa qalib gəldi — VİDEO

Bakıda 88 yaşlı qadın koronavirusa qalib gəldi
21:51
05.08.2020
426
Ölkə
A
Bakıda 88 yaşlı qadın koronavirusdan sağalıb.

"Ölkə.Az" xəbər verir ki, Bakıdakı modul tipli xəstəxanada koronavirusdan müalicə alan Həlimə Zeynalova 2 həftə əvvəl Covid-19 diaqnozu ilə daxil olub və müalicələr nəticəsində infeksiyaya qalib gəlib. Həlimə Zeynalovanın koronavirusla yanaşı xəstəliyi olmayıb.

H.Zeynalovanın gəlini Nübar Əliyeva da onunla eyni xəstəxanada müalicə alıb.

“Xəzər TV”nin süjetini təqdim edirik:

ŞƏRH YAZ
0
BAĞLA