KORONAVİRUSA YOLUXANLARIN SAYI - CANLI STATİSTİKA

Azərbaycanda koronavirus xəstələrinin müalicəsində əhəmiyyətli addım — FOTO

Azərbaycanda koronavirus xəstələrinin müalicəsində əhəmiyyətli addım
14:46
11.07.2020
10572
Ölkə
A

ATU-nun Tədris Terapevtik Klinikasında yeni oksigen generatoru işə salınıb.

Azərbaycan Tibb Universitetinin mətbuat xidmətindən verilən məlumata görə, bu qurğu COVID-19 xəstələrinin müalicəsi üçün çox əhəmiyyətlidir.

Bildirilib ki, ATU-nun Tədris Terapevtik Klinikasında oksigen generatorunun quraşdırılması başa çatıb və bu gün işə salınaraq, klinikada müalicə olunan xəstələri keyfiyyətli və fasiləsiz oksigenlə təmin etməyə başlayıb.

Generatorun işə salınma prosesini Azərbaycan Tibb Universitetinin rektoru, professor Gəray Gəraybəyli də izləyib. Rektor bu qurğunun pandemiya dövründə xüsusilə önəmli olduğunu qeyd edib.

Generatorun iş prinsipi ilə yaxından tanış olan rektor tikinti-quraşdırma işlərinin də sürətlə və yüksək keyfiyyətlə həyata keçirildiyini vurğulayıb.

Klinikanın direktoru, professor Surxay Musayev generatorun iş prinsipi haqqında məlumat verib:

“Klinikamız üçün ayırılmış “EKOMAK” və “MEDİSAM” generatorları saatda 35 kub metr oksigen istehsal etmək imkanına malikdir. Generator indiki pandemiya dövründə klinikanın keyfiyyətli oksigenə olan tələbatını tam ödəyir.

COVID-19-a yoluxmuş xəstələr, əsasən, ağciyər patalogiyalarına düçar olduğu və ağciyərləri zədələndiyi üçün həmin şəxslərin oksigen təminatına ciddi ehtiyac yaranır. Bunun üçün bir gün ərzində klinikaya 100-150 oksigen balonu gətirilirdi və xəstələrin oksigenlə təchizatı təmin edilirdi. Oksigen balonlarının bir qismi Sumqayıt, bir qismi isə Bakıda olan müəssisələrdən alınırdı.

Bəzən fasilələrin yaranma təhlükəsi olurdu ki, bu da böyük çətinliklər yaradırdı. İndi isə generatorun quraşdırılmasından sonra klinika oksigenə olan tələbatını ən keyfiyyətli oksigenlə tam təmin edəcək.

Klinikanın oksigen generatoru ilə təchiz edilməsi bizim və kollektivin çoxdankı arzusu olsa da, müəyyən maliyyə çətinliklərinə görə mümkün olmurdu. Bu gün belə yüksək istehsal gücünə malik oksigen generatoru klinikamızın istifadəsinə verilib.

Səhiyyəyə göstərilən böyük qayğıya, yaradılan bu şəraitə və dəstəyə görə ölkə prezidenti cənab İlham Əliyevə və Heydər Əliyev Fondunun prezidenti Mehriban Əliyevaya dərin minnətdarlığımızı və təşəkkürümüzü bildiririk”.

Sonda oksigen generatorunun klinika üçün çox vacib olduğunu bir daha vurğulayan ATU rektoru, professor Gəray Gəraybəyli klinikada olan xəstələrin vəziyyəti, onların dərman təminatı, klinikanın ləvazimat təchizatı ilə maraqlanıb və burada müalicə alan xəstələrə möhkəm can sağlığı, çalışan tibb işçilərinə isə işlərində uğurlar arzulayıb.

ŞƏRH YAZ
0

Azərbaycanda koronavirus bu tarixdə tam bitəcək — AÇIQLAMA

Azərbaycanda koronavirus bu tarixdə tam bitəcək
18:29
Bu gün
637
Ölkə
A
"Bu ilin sonunda koronavirus pandemiyası bitəcək”.

Bunu konkret.az-a koronavirusun bitmə tarixini açıqlayan professor Adil Qeybulla söyləyib.

Adil Qeybulla bildirib ki, birinci yekunlaşdıqdan sonra ikinci dalğa başlaya bilər: "Yəni yoluxanların sayı minumuma düşdükdən sonra yenidən yüksəlir. Bilirsiniz ki, bizdə birinci dalğa sönə bilmədi. Karantin rejimi yumşaldıqdan sonra davranışlardakı pozulmalar yeni bir yoluxmaya təkan verdi və yeni infeksiya yarandı. Nəticədə də birinci dalğa sönməyərək bu günə kimi davam edir. Əgər xəstəliyə yoluxanlar tək-tük olsa və birdən alovlanma başlasa, bu, ikinci dalğa hesab oluna bilər. İkinci dalğa başlasa belə onun intensiv və ağır olması gözlənilmir. Çünki virus mutasiyaya uğrayaraq zəyifləyib. Mən düşünürəm ki, bu ilin sonuna koronavirus pandemiyası bitəcək. Amma insanların davranışlarından da çox şey asılıdır. Bu baxımdan qapalı məkanlarda karantin qaydalarına əməl edilməsi ciddi nəzarət altında olmalıdır. Bu məsələ əksər yerlərdə başlı-başına buraxılıb. Marketə girəndə görürsən ki, biri maskanı çənəsinə taxıb, digəri isə burnu açıq gəzir. Qapalı məkanlarda kondisioner işləyən yerdə buna çox ciddi diqqət edilməlidir”.

 

ŞƏRH YAZ
0

Tələbələrin köçürülməsinə başlanılır

Tələbələrin köçürülməsinə başlanılır
18:14
Bu gün
94
Ölkə
A
Avqustun 17-dən tələbələrin köçürülməsi prosesinə start veriləcək.

Bu barədə Təhsil Nazirliyi məlumat yayıb.

Bildirilib ki, elektron sənəd qəbulu avqustun 23-dək davam edəcək.

Tələbələrin ölkə daxilində və xaricdə yerləşən ali təhsil müəssisələrindən köçürülməsi, yaxud bir ixtisasdan digərinə dəyişdirilməsi, eləcə də, ölkəmizdə yerləşən orta ixtisas təhsili müəssisələri tələbələrinin, magistratura səviyyəsində təhsilalanların köçürülməsi transfer.edu.az portalı vasitəsi ilə həyata keçirilir.

Portala müraciət edən şəxslər köçürülmək istədiyi təhsil müəssisəsini seçmək imkanına malikdir.

Bunun üçün təhsilalanlar tələb olunan məlumatı daxil etməklə, köçürülmə meyarlarına uyğun gəlib-gəlmədiyini müəyyən edə bilərlər.

ŞƏRH YAZ
0
BAĞLA