KORONAVİRUSA YOLUXANLARIN SAYI - CANLI STATİSTİKA

Azərbaycanda koronavirusa görə çox sayda məhkum təcili evlərinə buraxılır

Azərbaycanda koronavirusa görə çox sayda məhkum təcili evlərinə buraxılır
17:23
26.03.2020
3579
Ölkə
A
Azərbaycanın bir sıra penitensiar müəssisələrində məhkumların koronavirusun qarşısının alınması məqsədilə vaxtından əvvəl şərti azadlığa buraxılması məsələsinin icrası üçün genişmiqyaslı işlərə başlanılıb.

"Ölkə.Az" xəbər verir ki, bu barədə Oxu.Az-a İnsan Hüquqlarını Müdafiə Təşkilatlarının Monitorinq Qrupunun nümayəndəsi, İnsan Hüquqları və Qanunun Aliliyi Bürosunun rəhbəri Səid Qocamanlı məlumat verib.

Onun dediyinə görə, mart ayının ortalarında monitorinq qrupu Prezident İlham Əliyevə və Birinci vitse-prezident Mehriban Əliyevaya məktubla müraciət edərək, məhkumların koronavirusa yoluxmadan qorunması üçün bir sıra tədbirlərin görülməsinin məqsədəuyğunluğunu qeyd ediblər.

Ölkə.Az

ŞƏRH YAZ
0

“Kilolu adamlar koronavirusu daha ağır keçirir” — Baş infeksionist

“Kilolu adamlar koronavirusu daha ağır keçirir”
14:08
Bu gün
719
Ölkə
A
"İkinci qan qrupundan olan insanların koronavirusu ağır keçirmələri ilə bağlı deyilənlər doğru deyil”.

"Ölkə.Az" xəbər verir ku, bunu News24.az-a açıqlamasında Respublikanın baş infeksionisti Cəlal İsayev bildirib. O qeyd edib ki, bunu yalnız müəyyən qrup həkimlər yaza bilər: "Amma bu dünyada qəbul olunmuş bir fakt deyil. Bu müəyyən insanların öz fikridir. Hələ koronavirus 3-4 aydır ki, yayılıb. Bununla bağlı dəqiq tədqiqat aparılmayıb. Biz Azəbaycanda ümumi olaraq xəstələri müşahidə edirik, amma bu sahədə tədqiqat aparılmayıb, dəqiq məlumat yoxdur”. 

Baş infeksionist onu da əlavə edib ki, bu xəstəliyə yoluxmaqdan hər kəs ehtiyat etməlidir, nəinki ikinci qan qrupundan olan insanlar: "Virusa yoluxmamaq üçün qərargah tərəfindən verilən tövsiyələrə əməl etmək lazımdır. Ona görə də istər 2 ci, istərsə də digər qan qrupundan olan insanlar tövsiyələrə əməl etməlidirlər. Ən əsası isə hər hansı klinik əlamət meydana çıxarsa, mütləq həkimə müraciət etmək lazımdır. Özbaşına heç kim müalicə olunmasın. Ölümlərə və ağırlaşmalara səbəb evdə özbaşına müalicə ilə bağlıdır”.  

C.İsayev kilolu insanların virusu daha ağır keçirmələrinə də münasibət bildirdi: 
"Kilolu adamların koronavirusu ağır keçirməsi ehtimalı yüksəkdir. Çünki insanın orqanizmi, ürək qan-damar sistemi,  ağciyərləri də, endokrin sistemi də insanın çəkisinə görə hesablanıb. Tutaq ki, bizim çəkimizi boyumuzla müqayisə edirik,  məsələn, 60 sm boyumuz varsa, 60 kq çəkimiz olmalıdır. Əgər çəkimiz 90 kq-dırsa orqanlarımız artıq 30 kq çəkiyə qulluq edir. Bütün orqanlar təzyiqə məruz qalır. Ona görə də ağır çəkili insanlar xəstəliyi ağır keçirir. Amma bu da tədqiqat aparılıb, dəqiqləşdirilməsi tələb olunan məsələdir”. 

Ölkə.Az

ŞƏRH YAZ
0

Komitə sədri “Fairmont”da dincələnlərdən DANIŞDI — “Qudurğanlıqdır”

Komitə sədri “Fairmont”da dincələnlərdən DANIŞDI
14:01
Bu gün
565
Ölkə
A
“Karantin rejiminin pozulması həm də mədəniyyət məsələsidir, cəmiyyətə hörmətsizlikdir”.

"Ölkə.Az"ın oxu.az-a istinadən verdiyi xəbərinə görə, bunu “Yeni TV”nin efirində Milli Məclisin Əmək və sosial siyasət komitəsinin sədri Musa Quliyev xüsusi karantin rejimində yas və toy mərasimi keçirən, hovuzlarda istirahət edən vətəndaşlarla bağlı sualı cavablandırarkən deyib.

O bildirib ki, Azərbaycanda hüzür məclislərinin keçirilməsi ilə bağlı yaxşı ənənə var. Deputatın fikrincə, bu, o demək deyil ki, ağır bir məqamda çadır qurub, insanları ora dəvət edəsən.

“Sən yüzlərlə insanın xəstələnməsinə bais olursan. Sən o yası verirsən ki, gəlib ölünə rəhmət oxusunlar. Əgər bu rəhmət olmayacaqsa, əvəzində insanlar xəstəliyə tutulacaqsa, ölünün ruhu da dinc olmayacaq”, - deyə M.Quliyev əlavə edib.

Millət vəkilinin sözlərinə görə, qanun hər yerdə birincidir və vətəndaş ona riayət etməlidir:

“Telefonla, sosial şəbəkə vasitəsilə, qəzetdə də başsağlığı vermək olar. İnsanlar yasa toplaşmaqla, ehsan verməklə, nə Allahın ölüyə münasibəti dəyişəcək, nə də ölünün yeri yumşaq olacaq”.

M.Quliyev “Fairmont Bakı” hotelində karantin rejiminin pozulmasından da danışıb:

“Bu, bir tərəfdən ola bilsin ki, məsuliyyətsizlikdir. Digər tərəfdən isə qudurğunlaqdır. Bu, cəmiyyətə meydan oxumaqdır. Belə bir vaxtda sən gedib bayram edirsənsə, bu, nonsensdir. Burada bayram əhval-ruhiyyəsi yoxdur. Camaat koronavirusla ölüm-dirim mübarizəsi aparır. Deyirsən ki, mən gedib hovuzda dincəlməliyəm. Bu mənəviyyat məsələsidir, qınanmalıdır”.

Qeyd edək ki, iyunun 5-də “Fairmont Bakı” otelində xüsusi karantin rejimi qaydalarına əməl edilməyən, sosial məsafənin, mövcud preventiv tədbirlərin şərtlərinin pozulması ilə müşayiət olunan görüntülərlə bağlı müvafiq nəzarət-profilaktik tədbir keçirilib.

Səbail RPİ əməkdaşlarının keçirdiyi müvafiq tədbirlərlə yayılan videoda əks olunan şəxslər müvafiq polis idarəsinə dəvət olunaraq barələrində inzibati tənbeh tədbiri tətbiq olunub.

Ölkə.Az

ŞƏRH YAZ
0
BAĞLA